Jetë në Kosovë diskuton për situatat emergjente
Sonte, Jeta në Kosovë, transmeton debat për situatat emergjente në vendin tonë.
Më shumë
Klikoni këtu për të shikuar edicionin e fundit të emisionit "Jeta në Kosovë"!
Më shumë
Rrjeti Ballkanik i Gazetarisë Hulumtuese-BIRN shpall konkurs
20 janar 2010
Koordinator të projektit
Përshkrimi i punës: Pozita e koordinatorit të projektit përfshinë punën në planifikimin organizimin dhe implementimin e projekteve të BIRN-it.
Koordinatori i projektit të BIRN do të jetë nën përgjegjësinë e drejtorit dhe menaxherit të programit.
Detyrat dhe përgjegjësitë:
- Planifikimi dhe shkrimi i projekt propozimeve në koordinim me menaxherin e programit dhe drejtorit ekzekutiv
- Koordinimi i aktiviteteve të projekteve të BIRN-it ndërmjet departamenteve të ndryshme
- Mbikëqyrja e implementimit të projekteve të BIRN-it në përputhje me kushtetet e përcaktuara gjatë planifikimit
- Mbikëqyrja e planit kohor dhe shpenzimeve të aktiviteteve në përputhje me planin e aktiviteteve
- Korrespodenca me donator dhe përmbushja e kushteve të donatorëve
- Përpilimi i raporteve për donator sipas specifikave të donatorëve
- Rishikimi i raporteve financiare të organizatës
- Përpilimi i raporteve të veçanta sipas kërkesës së drejtorit të BIRN-it dhe menaxherit të programit
- Komunikimi me qendrën rajonale të BIRN-it
- Përfaqësimi dhe prezantimi i organizatës tek partnerët, donatorët dhe palët tjera kontraktuese
- Punë administrative të organizatës, si dhe çështje tjera të punës të cilat bëhen me kërkesën e drejtorit ekzekutiv dhe menaxherit të programit
Kandidatët potencial duhet të kenë:
- diplomë universitare apo kualifikime të ngjashme profesionale
- përvojë të mëhershme në punë me projekte (e preferueshme)
- aftësi të shkëlqyeshme komunikimi në gjuhën shqipe
- aftësi të nivelit të lartë profesional të komunikimit verbal dhe me shkrim në gjuhën angleze
- aftësi për të punuar nën presion dhe në afate të shkurta kohore
- aftësi për kryerjen e disa punëve njëkohësisht
- aftësi të mira ndërpersonale dhe aftësi për punë ekipore
- aftësi për të qenë fleksibil për të kryer detyra tjera ditore që dalin në zyrën e BIRN-it
- qasje të hapur për tu mësuar e për tu përmirësuar vazhdimisht
- aftësi kompjuterike të MS Windows-it
Puna në BIRN kërkon përkushtim të jashtëzakonshëm, shumë shpesh edhe jashtë orarit dhe detyrave të përcaktuara.
Kjo pozitë po ashtu kërkon angazhime shtesë sipas nevojave të organizatës dhe hap rrugët për avancime të mëtutjeshme profesionale në fushën e menaxhimit të projekteve. BIRN ofron mundësi të barabartë punësimi dhe inkurajon kandidatët e rinj dhe energjik që të aplikojnë. Pagesa në bazë të përvojës.
Për të aplikuar duhet të dërgoni një Curriculum Vitae (CV) dhe një letër motivimi në gjuhën angleze përmes postës elektronike në adresën kosova@birn.eu.com më së largu deri më 27 janar 2010.
Informata shtesë për BIRN-in dhe aktivitetet kryesore mund të gjeni në ueb-faqen tonë www.birn.eu.com dhe www.jetanekosove.com
PROCESI I EMËRIMIT DHE RIEMËRIMIT TË GJYKATËSVE DHE PROKURORËVE
Raporti për emërimin dhe riemërimin e gjykatësve dhe prokorurorëve analizon rrjedhën e këtij procesi duke u foksuar në anët pozitive dhe ato të errëta që kanë karakterizuar këtë proces deri në përmbyllje të tij.
RAPORTI I MONITORIMIT TE GJYKATAVE PRILL 2010 - SHKURT 2011
Raporti për monitorimin e gjykatave është nxjerrë në bazë të monitorimit të vazhdueshëm në të gjitha gjykatat komunale dhe të qarkut të Kosovës. Të gjeturat e këtij raporti bazohen në monitorimin e 2,147 seancave gjyqësore nga ana e monitoruesve të BIRN-it.
Procesi i emërimit/riemërimit të gjykatësve dhe prokurorëve
Procesi i emërimit/riemërimit të gjykatësve dhe prokurorëve
NDIQ GJURMËT NËPËR LETRA
UDHËZUES PËR GAZETARI hulumtuese të bazuar në dokumente në Kosovë-shkurt 2011
Raporti i Monitorimit të Gjykatave 2010
Një raport i detajuar analitik për punën dhe administrimin e gjykatave të Prishtinës, Pejës, Prizrenit, Gjilanit, Mitrovicës, Ferizajt, Gjakovës,Deçanit, Vushtrrisë, Podujevës, Lipjanit, Klinës dhe Istogut. Raporti përmban informata të rëndësishme të grumbulluara nga rrjeti i monitoruesve, të vendosur në komunat
kryesore të Kosovës dhe ka për synim identifikimin e problemeve dhe çështjeve kryesore me të cilat përballet
sistemi gjyqësor në Kosovë.
Raporti i monitorimit të gjykatave 2009
Monitorimi i punës dhe i administrimit të gjykatave në Prishtinë, Pejë, Mitrovicë, Gjilan, Ferizaj, Vushtrri dhe Skenderaj.
SISTEMI I ZGJEDHJES SË DREJTPËRDREJTË TË KRYETARIT NË QEVERISJEN LOKALE
Raporti Sistemi i Zgjedhjes së Drejtëpërdrejtë të Kryetarit në Qeverisjen Lokale synon të ofrojë një pasqyrë kritike për arsyeshmërinë dhe zbatueshmërinë e sistemit qeverisës komunal me Kryetarin e komunës si figurë qendrore ekzekutive, në vitin e tretë të zbatimit të tij. Shtyllat në të cilat është hulumtuar efikasiteti i këtij sistemi janë: raportet mes organeve të pushtetit lokal, llogaridhënia e ekzekutivit, respektimi i ligjit, lidhja e kryetarit me qytetarët, ofrimi i shërbimeve publike (furnizimi me ujë dhe menaxhimi i hedhurinave, investimet kapitale (në projekte shkollash e rrugësh), niveli i transparencës, konsultimet publike dhe vendimmarrja qytetare.
Gjendja dhe Problemet në Universitetin e Prishtinës
Raport analitik i hulumtimit mbi problemet dhe cilësinë e studimeve në Universitetin e Prishtinës. Po bëhen më shumë se dhjetë vite që nga përfundimi i luftës në Kosovë dhe Universiteti i Prishtinës (UP) ende vazhdon të vuajë nga një varg problemesh të ndryshme, si rezultat i të cilave kualiteti i studimeve në UP vazhdon të mbetet i pakënaqshëm. Për këtë arsye, BIRN-i ka vendosur që të bëjë një hulumtim, i cili ka një mostër përfaqësuese, gjithëpërfshirëse, dhe i cili trajton problemet praktike të studentëve. Të dhënat nga hulumtimi tregojnë se problemet më të mëdha në UP (nga këto që ka mbuluar ky hulumtim) janë mos implementimi i metodave bashkëkohore të mësimdhënies dhe të vlerësimit, mungesa e punës praktike, mungesa e literaturës adekuate të studimeve, vlerësimi jo objektiv i mësimdhënësve dhe raportet jo të mira student profesorë.
Problemet dhe të Metat e Teksteve Shkollore
Analizë e teksteve shkollore të Kosovës të ciklit të Shkollës së Mesme të Ulët (klasët VI, VII, VIII dhe IX). Roli dhe funksioni i teksteve shkollore në procesin e informimit, arsimimit dhe edukimit të nxënësve, vazhdon të jetë i pazëvendësueshëm dhe, rrjedhimisht, cilësia e teksteve shkollore ka një rëndësi të veçantë për të ardhmen dhe karrierën e nxënësve. Prandaj, duke u nisur nga kjo, BIRN-i ka vendosur që, përmes një studimi dhe analize të mirëfilltë e objektive, të nxjerrë në pah disa probleme dhe të meta të teksteve shkollore të ciklit të Shkollës së Mesme të Ulët.
Raporti i Monitorimit të Sistemit Arsimor
Report on monitoring the elementary and high schools in Prishtina: Mitrovica, Ferizaj, Peja and Gjilan
Analytical report of the situation and the problems in the University of Prishtina
Bleni DVD-të
Disa episoda të emisionit televiziv "Jeta në Kosovë" tani mund t'i keni edhe në DVD. DVD-të mund t'i bleni në librarinë "Dukagjini" që gjendet në qendër të Prishtinës.
Më shumë
Na shkruani me komentet, propozimet ose rekomandimet tuaja, në mënyrë tejet konfidenciale.
Postoni komentet tuaja
Shkruani komentet tuaja për debatet e BIRN-it. Në ueb-faqen e re, BIRN-i dëshiron që të marrë drejtpërdrejt opinionet e juaja, përmes seksionit të komenteve.
Më shumë
Balkan Investigative Reporting Network
Opinionet e shprehura në publikime janë të autorëve dhe nuk paraqesin medoemos opinionin e Rrjetit Ballkanik për Gazetari Hulumtuese, BIRN.
Komentet:
Nuk ka komente.