Jetë në Kosovë diskuton për situatat emergjente
Sonte, Jeta në Kosovë, transmeton debat për situatat emergjente në vendin tonë.
Më shumë
Klikoni këtu për të shikuar edicionin e fundit të emisionit "Jeta në Kosovë"!
Më shumë
BIRN publikon analizën “Problemet dhe të metat e teksteve shkollore
11 maj 2010 Rrjeti Ballkanik i Gazetarisë Hulumtuese - BIRN publikoi analizën “Problemet dhe të metat e teksteve shkollore”, analizë e teksteve shkollore të Kosovës të ciklit të shkollës së mesme të ulët (klasët VI, VII, VIII & IX).
Analiza u promovua përmes një konference për media që u mbajt të premten, më 7 maj, në zyret e BIRN-it, në të cilën redaktorja e publikimit, Krenare Maloku dhe autori Jusuf Thaçi prezantuan të gjeturat kryesore të punimit.
Krenare Maloku tha se “këtë hulumtim e kemi filluar pasi që gjatë periudhës dy-vjeçare që kemi bërë monitorim të arsimit, BIRN ka marrë vërejtje dhe kritika të shumta për tekste shkollore nga mësimdhënësit, nxënësit, prindërit, si dhe nga ekspertët dhe njohësit e kësaj çështjeje”.
“Kjo ka qenë shkas që na ka shtyrë pastaj në një analizë të thellë të teksteve, hulumtim ky që ka zgjatur plot nëntë muaj”, vazhdon Maloku.
Problemet dhe të metat kryesore të teksteve që janë gjetur në këto tekste janë: pasaktësitë e shumta shkencore; stërngarkesa e teksteve me informacione, fakte e shifra të tepërta;mosstimulimi i mendimit kritik; mospërdorimi i metodave bashkëkohore; mospërmbushja e një varg kërkesash didaktiko-metodike;
prezenca e disa aspekteve dhe formave të diskriminimit, paragjykimit dhe stereotipeve gjinore, si dhe disa probleme përmbajtjesore.
Jusuf Thaçi, autori i analizës, duke prezantuar këto probleme, ndër të tjera tha se ”në mënyrën si tekstet shkollore janë shkruar, ato nuk stimulojnë fare mendimin kritik. Nxënësit mund të përfundojnë shkollën pa përdorë fare proceset intelektuale, por vetëm duke mbajtur mend dhe duke mësuar mekanikisht”.
Në konferencë morën pjesë përfaqësues të dhjetë medieve të Kosovës, si dhe pjesëmarrës të Ministrisë së Arsimit, Shkencës dhe Teknologjisë. Në fund të konferencës, BIRN u përgjigj në pyetjet e ngritura nga gazetarët e pranishëm.
Analiza e publikuar ka për qëllim që në mënyrë objektive dhe të argumentuar të analizojë dhe të dokumentojë prezencën e disa problemeve në tekstet shkollore të Kosovës me synim final të përmirësimit dhe përsosjes së kualitetit të tyre përmes rekomandimeve konkrete të dhëna.
Analiza e plotë mund të shkarkohet këtu.
Ky publikim është pjesë e projektit të BIRN-it për Monitorim të shërbimeve publike i cili përkrahet nga Fondacioni i Vëllezërve Rokërfeller, Zyra Ndërlidhëse e Komisionit Evropian në Kosovë, Fondacioni MOTT si dhe Ndihma Ballkanike për Demokraci.
PROCESI I EMËRIMIT DHE RIEMËRIMIT TË GJYKATËSVE DHE PROKURORËVE
Raporti për emërimin dhe riemërimin e gjykatësve dhe prokorurorëve analizon rrjedhën e këtij procesi duke u foksuar në anët pozitive dhe ato të errëta që kanë karakterizuar këtë proces deri në përmbyllje të tij.
RAPORTI I MONITORIMIT TE GJYKATAVE PRILL 2010 - SHKURT 2011
Raporti për monitorimin e gjykatave është nxjerrë në bazë të monitorimit të vazhdueshëm në të gjitha gjykatat komunale dhe të qarkut të Kosovës. Të gjeturat e këtij raporti bazohen në monitorimin e 2,147 seancave gjyqësore nga ana e monitoruesve të BIRN-it.
Procesi i emërimit/riemërimit të gjykatësve dhe prokurorëve
Procesi i emërimit/riemërimit të gjykatësve dhe prokurorëve
NDIQ GJURMËT NËPËR LETRA
UDHËZUES PËR GAZETARI hulumtuese të bazuar në dokumente në Kosovë-shkurt 2011
Raporti i Monitorimit të Gjykatave 2010
Një raport i detajuar analitik për punën dhe administrimin e gjykatave të Prishtinës, Pejës, Prizrenit, Gjilanit, Mitrovicës, Ferizajt, Gjakovës,Deçanit, Vushtrrisë, Podujevës, Lipjanit, Klinës dhe Istogut. Raporti përmban informata të rëndësishme të grumbulluara nga rrjeti i monitoruesve, të vendosur në komunat
kryesore të Kosovës dhe ka për synim identifikimin e problemeve dhe çështjeve kryesore me të cilat përballet
sistemi gjyqësor në Kosovë.
Raporti i monitorimit të gjykatave 2009
Monitorimi i punës dhe i administrimit të gjykatave në Prishtinë, Pejë, Mitrovicë, Gjilan, Ferizaj, Vushtrri dhe Skenderaj.
SISTEMI I ZGJEDHJES SË DREJTPËRDREJTË TË KRYETARIT NË QEVERISJEN LOKALE
Raporti Sistemi i Zgjedhjes së Drejtëpërdrejtë të Kryetarit në Qeverisjen Lokale synon të ofrojë një pasqyrë kritike për arsyeshmërinë dhe zbatueshmërinë e sistemit qeverisës komunal me Kryetarin e komunës si figurë qendrore ekzekutive, në vitin e tretë të zbatimit të tij. Shtyllat në të cilat është hulumtuar efikasiteti i këtij sistemi janë: raportet mes organeve të pushtetit lokal, llogaridhënia e ekzekutivit, respektimi i ligjit, lidhja e kryetarit me qytetarët, ofrimi i shërbimeve publike (furnizimi me ujë dhe menaxhimi i hedhurinave, investimet kapitale (në projekte shkollash e rrugësh), niveli i transparencës, konsultimet publike dhe vendimmarrja qytetare.
Gjendja dhe Problemet në Universitetin e Prishtinës
Raport analitik i hulumtimit mbi problemet dhe cilësinë e studimeve në Universitetin e Prishtinës. Po bëhen më shumë se dhjetë vite që nga përfundimi i luftës në Kosovë dhe Universiteti i Prishtinës (UP) ende vazhdon të vuajë nga një varg problemesh të ndryshme, si rezultat i të cilave kualiteti i studimeve në UP vazhdon të mbetet i pakënaqshëm. Për këtë arsye, BIRN-i ka vendosur që të bëjë një hulumtim, i cili ka një mostër përfaqësuese, gjithëpërfshirëse, dhe i cili trajton problemet praktike të studentëve. Të dhënat nga hulumtimi tregojnë se problemet më të mëdha në UP (nga këto që ka mbuluar ky hulumtim) janë mos implementimi i metodave bashkëkohore të mësimdhënies dhe të vlerësimit, mungesa e punës praktike, mungesa e literaturës adekuate të studimeve, vlerësimi jo objektiv i mësimdhënësve dhe raportet jo të mira student profesorë.
Problemet dhe të Metat e Teksteve Shkollore
Analizë e teksteve shkollore të Kosovës të ciklit të Shkollës së Mesme të Ulët (klasët VI, VII, VIII dhe IX). Roli dhe funksioni i teksteve shkollore në procesin e informimit, arsimimit dhe edukimit të nxënësve, vazhdon të jetë i pazëvendësueshëm dhe, rrjedhimisht, cilësia e teksteve shkollore ka një rëndësi të veçantë për të ardhmen dhe karrierën e nxënësve. Prandaj, duke u nisur nga kjo, BIRN-i ka vendosur që, përmes një studimi dhe analize të mirëfilltë e objektive, të nxjerrë në pah disa probleme dhe të meta të teksteve shkollore të ciklit të Shkollës së Mesme të Ulët.
Raporti i Monitorimit të Sistemit Arsimor
Report on monitoring the elementary and high schools in Prishtina: Mitrovica, Ferizaj, Peja and Gjilan
Analytical report of the situation and the problems in the University of Prishtina
Bleni DVD-të
Disa episoda të emisionit televiziv "Jeta në Kosovë" tani mund t'i keni edhe në DVD. DVD-të mund t'i bleni në librarinë "Dukagjini" që gjendet në qendër të Prishtinës.
Më shumë
Na shkruani me komentet, propozimet ose rekomandimet tuaja, në mënyrë tejet konfidenciale.
Postoni komentet tuaja
Shkruani komentet tuaja për debatet e BIRN-it. Në ueb-faqen e re, BIRN-i dëshiron që të marrë drejtpërdrejt opinionet e juaja, përmes seksionit të komenteve.
Më shumë
Balkan Investigative Reporting Network
Opinionet e shprehura në publikime janë të autorëve dhe nuk paraqesin medoemos opinionin e Rrjetit Ballkanik për Gazetari Hulumtuese, BIRN.
Komentet:
Nuk ka komente.