Jeta në Kosovë diskuton për bordet e ndërmarrjeve publike
Këtë të enjte, Jeta në Kosovë transmeton debatin, për performancën e bordeve të ndërmarrjeve publike.
Më shumë
Klikoni këtu për të shikuar edicionin e fundit të emisionit "Jeta në Kosovë"!
Më shumë
Jeta në Kosovë debaton për problemet në sistemin e gjyqësisë
27 maj 2010 Këtë të enjte temë e debatit Jeta në Kosovë do të jenë problemet dhe reformimi në sistemin e gjyqësisë.
Në vitin e fundit BIRN ka monitoruar 1248 seanca gjyqësore në 18 gjykata. Të gjeturat e monitorimit sistematik të gjykatave janë publikuar në raportin vjetor ndërsa edhe do te jenë çështjet kryesore që do të debatohen në këtë emision.
Cilat janë të gjeturat kryesore e monitoruesve të BIRN-t të cilët sistematikisht kanë monitoruar 1248 seanca gjyqësore në 18 gjykata të vendit? Sa e vështirëson gjykimin mosprezenca e trupit të plotë gjykues në sallë? Cilat janë llojet e dënimeve që shqiptohen nga gjykatat e Kosovës? Cilat janë pasojat e vonesave në fillimin e gjykimeve? Sa e respektojnë detyrën zyrtare për gjykim avokatët mbrojtës të palëve? Si do të rregullohet sistemi i thirrjes së palëve për gjykim? Sa e vështirëson gjykimin mosprezenca e një përkthyesi në sallë?
Për t’i diskutuar këto gjetje dhe rekomandimet e raportit të BIRN-it për gjyqësinë e Kosovës paneli diskutues përbëhet nga përfaqësues të gjyqësisë, prokurorisë, Ministrisë së Drejtësisë dhe Këshillit Gjyqësor të Kosovës.
Këta janë:
Haki Demolli, Ministër i Drejtësisë;
Behar Selimi, ushtures detyre i Drejtorit të Përgjithshëm të Policisë së Kosovës;
Bahri Hyseni, Kryetar i Komisionit Parlamentar për Legjislacion dhe Gjyqësi;
Enver Peci, Kryesues i Këshillit Gjyqësor të Kosovës;
Fejzullah Hasani, Kryetar i Gjykatës Supreme;
Valdete Daka, anëtare e Këshillit Gjyqësor të Kosovës dhe gjykatëse në Gjykatën Supreme të Kosovës;
Ismet Kabashi, Kryeprokuror i shtetit;
Pas debatit, BIRN transmeton reportazhin e gazetarit Muhamet Hajrullahut mbi shpronësimet e tokave rreth aeroportit të Prishtinës. Ndërsa gazetarja Edona Musa flet për operatorët ilegal të telefonisë mobile që vazhdojnë të funksionojnë në Kosovë.
Në fund, gazetari Petrit Çollaku tregon për sfidat e mbrojtjes së trashëgimisë kulturore për shkak të interesave të qytetarëve dhe neglizhencës së institucioneve përgjegjëse.
Emisioni "Jeta në Kosovë" është bashkëprodhim i Rrjetit Ballkanik të Gazetarisë Hulumtuese-BIRN, dhe televizionit publik të Kosovës- RTK. Emisioni transmetohet çdo të enjte, prej orës 20:20.
PROCESI I EMËRIMIT DHE RIEMËRIMIT TË GJYKATËSVE DHE PROKURORËVE
Raporti për emërimin dhe riemërimin e gjykatësve dhe prokorurorëve analizon rrjedhën e këtij procesi duke u foksuar në anët pozitive dhe ato të errëta që kanë karakterizuar këtë proces deri në përmbyllje të tij.
RAPORTI I MONITORIMIT TE GJYKATAVE PRILL 2010 - SHKURT 2011
Raporti për monitorimin e gjykatave është nxjerrë në bazë të monitorimit të vazhdueshëm në të gjitha gjykatat komunale dhe të qarkut të Kosovës. Të gjeturat e këtij raporti bazohen në monitorimin e 2,147 seancave gjyqësore nga ana e monitoruesve të BIRN-it.
Procesi i emërimit/riemërimit të gjykatësve dhe prokurorëve
Procesi i emërimit/riemërimit të gjykatësve dhe prokurorëve
NDIQ GJURMËT NËPËR LETRA
UDHËZUES PËR GAZETARI hulumtuese të bazuar në dokumente në Kosovë-shkurt 2011
Raporti i Monitorimit të Gjykatave 2010
Një raport i detajuar analitik për punën dhe administrimin e gjykatave të Prishtinës, Pejës, Prizrenit, Gjilanit, Mitrovicës, Ferizajt, Gjakovës,Deçanit, Vushtrrisë, Podujevës, Lipjanit, Klinës dhe Istogut. Raporti përmban informata të rëndësishme të grumbulluara nga rrjeti i monitoruesve, të vendosur në komunat
kryesore të Kosovës dhe ka për synim identifikimin e problemeve dhe çështjeve kryesore me të cilat përballet
sistemi gjyqësor në Kosovë.
Raporti i monitorimit të gjykatave 2009
Monitorimi i punës dhe i administrimit të gjykatave në Prishtinë, Pejë, Mitrovicë, Gjilan, Ferizaj, Vushtrri dhe Skenderaj.
SISTEMI I ZGJEDHJES SË DREJTPËRDREJTË TË KRYETARIT NË QEVERISJEN LOKALE
Raporti Sistemi i Zgjedhjes së Drejtëpërdrejtë të Kryetarit në Qeverisjen Lokale synon të ofrojë një pasqyrë kritike për arsyeshmërinë dhe zbatueshmërinë e sistemit qeverisës komunal me Kryetarin e komunës si figurë qendrore ekzekutive, në vitin e tretë të zbatimit të tij. Shtyllat në të cilat është hulumtuar efikasiteti i këtij sistemi janë: raportet mes organeve të pushtetit lokal, llogaridhënia e ekzekutivit, respektimi i ligjit, lidhja e kryetarit me qytetarët, ofrimi i shërbimeve publike (furnizimi me ujë dhe menaxhimi i hedhurinave, investimet kapitale (në projekte shkollash e rrugësh), niveli i transparencës, konsultimet publike dhe vendimmarrja qytetare.
Gjendja dhe Problemet në Universitetin e Prishtinës
Raport analitik i hulumtimit mbi problemet dhe cilësinë e studimeve në Universitetin e Prishtinës. Po bëhen më shumë se dhjetë vite që nga përfundimi i luftës në Kosovë dhe Universiteti i Prishtinës (UP) ende vazhdon të vuajë nga një varg problemesh të ndryshme, si rezultat i të cilave kualiteti i studimeve në UP vazhdon të mbetet i pakënaqshëm. Për këtë arsye, BIRN-i ka vendosur që të bëjë një hulumtim, i cili ka një mostër përfaqësuese, gjithëpërfshirëse, dhe i cili trajton problemet praktike të studentëve. Të dhënat nga hulumtimi tregojnë se problemet më të mëdha në UP (nga këto që ka mbuluar ky hulumtim) janë mos implementimi i metodave bashkëkohore të mësimdhënies dhe të vlerësimit, mungesa e punës praktike, mungesa e literaturës adekuate të studimeve, vlerësimi jo objektiv i mësimdhënësve dhe raportet jo të mira student profesorë.
Problemet dhe të Metat e Teksteve Shkollore
Analizë e teksteve shkollore të Kosovës të ciklit të Shkollës së Mesme të Ulët (klasët VI, VII, VIII dhe IX). Roli dhe funksioni i teksteve shkollore në procesin e informimit, arsimimit dhe edukimit të nxënësve, vazhdon të jetë i pazëvendësueshëm dhe, rrjedhimisht, cilësia e teksteve shkollore ka një rëndësi të veçantë për të ardhmen dhe karrierën e nxënësve. Prandaj, duke u nisur nga kjo, BIRN-i ka vendosur që, përmes një studimi dhe analize të mirëfilltë e objektive, të nxjerrë në pah disa probleme dhe të meta të teksteve shkollore të ciklit të Shkollës së Mesme të Ulët.
Raporti i Monitorimit të Sistemit Arsimor
Report on monitoring the elementary and high schools in Prishtina: Mitrovica, Ferizaj, Peja and Gjilan
Analytical report of the situation and the problems in the University of Prishtina
Bleni DVD-të
Disa episoda të emisionit televiziv "Jeta në Kosovë" tani mund t'i keni edhe në DVD. DVD-të mund t'i bleni në librarinë "Dukagjini" që gjendet në qendër të Prishtinës.
Më shumë
Na shkruani me komentet, propozimet ose rekomandimet tuaja, në mënyrë tejet konfidenciale.
Postoni komentet tuaja
Shkruani komentet tuaja për debatet e BIRN-it. Në ueb-faqen e re, BIRN-i dëshiron që të marrë drejtpërdrejt opinionet e juaja, përmes seksionit të komenteve.
Më shumë
Balkan Investigative Reporting Network
Opinionet e shprehura në publikime janë të autorëve dhe nuk paraqesin medoemos opinionin e Rrjetit Ballkanik për Gazetari Hulumtuese, BIRN.
Komentet:
Nuk ka komente.