Jetë në Kosovë diskuton për situatat emergjente
Sonte, Jeta në Kosovë, transmeton debat për situatat emergjente në vendin tonë.
Më shumë
Klikoni këtu për të shikuar edicionin e fundit të emisionit "Jeta në Kosovë"!
Më shumë
Jeta në Kosovë debaton për shpronësimet e tokave dhe fillimin e procesit mësimor
02 shtator 2010 Këtë të enjte Jeta në Kosovë transmeton debatin për shpronësimin e tokave në rastet ku po ndërtohen rrugët si dhe debatin tjetër për fillimin e procesit mësimor në vendin tonë.
Pse nuk kompensohen paratë e këtyre qytetarëve? Si rregullohet me ligj procesi i shpronësimit? A është caktuar komisioni vlerësues për prona nga Ministria e Ekonomisë dhe Financave? Çka është metoda krahasuese? Cilat janë masat që do të ndërmerren për ta tejkaluar këtë problem?
Qytetarë, zyrtarë të qeverisë dhe ekspertë të fushës të ftuar nga Muhamet Hajrullahu, diskutojnë për pakënaqësitë e qytetarëve në procesin e shpronësimit dhe kompensimit të pronave nëpër të cilat po ndërtohen rrugët. Këta janë:
Adem Grabovci, ish-zëvendësministër i Transportit dhe Telekomunikacionit dhe deputet në Kuvendin e Kosovës,
Shkëlzen Morina, drejtor i Departamentit të Tatimit në Pronë, MEF,
Haxhi Gashi, ekspert ligjor për shpronësime,
Salie Gajtani - Osmankaq, gazetare në të përditshmen Koha Ditore dhe
Naim Hoxha, përfaqësues i komisionit të pronarëve të pakënaqur në Zhur.
Në kuadër të debatit, BIRN transmeton reportazhin e hulumtuesit Genc Nimoni i cili sjell ankesat dhe pakënaqësitë e qytetarëve të rajoneve të ndryshme të Kosovës në lidhje me procesin e shpronësimit të tokave.
Gjithashtu, BIRN transmeton edhe reportazhin e gazetarit Alban Selimi për falsifikim të dokumenteve nga ana e një gjykatësi dhe avokati për të përfituar shuma të majme parash, duke e shpallur invalid një qytetar të shëndoshë.
Ndërsa një ditë pas fillimit të vitit të ri shkollor, BIRN debaton edhe për sistemin e arsimit në Kosovë.
A ka filluar mësimi në të gjitha shkollat e Kosovës? A kanë përfunduar punimet për renovimin dhe rregullimin e objekteve shkollore? Si do të kompensohen orët e humbura në shkollat ku mësimi nuk ka filluar me kohë? Kur dhe për sa do të rriten pagat e mësimdhënëseve?
Për të diskutuar për këto dhe të tjerat që e karakterizojnë fillimin e këtij viti shkollor, mysafir të Edona Musës në studio do të jenë:
Nehat Mustafa, këshilltar i ministrit të arsimit,
Letafete Hyseni, ish-mësuese nga qyteti i Vushtrrisë,
Jonuz Salihaj, nga AAK dhe njohës i rrjedhave në fushën e arsimit dhe
Albulena Sadiku, nga organizata INPO.
PROCESI I EMËRIMIT DHE RIEMËRIMIT TË GJYKATËSVE DHE PROKURORËVE
Raporti për emërimin dhe riemërimin e gjykatësve dhe prokorurorëve analizon rrjedhën e këtij procesi duke u foksuar në anët pozitive dhe ato të errëta që kanë karakterizuar këtë proces deri në përmbyllje të tij.
RAPORTI I MONITORIMIT TE GJYKATAVE PRILL 2010 - SHKURT 2011
Raporti për monitorimin e gjykatave është nxjerrë në bazë të monitorimit të vazhdueshëm në të gjitha gjykatat komunale dhe të qarkut të Kosovës. Të gjeturat e këtij raporti bazohen në monitorimin e 2,147 seancave gjyqësore nga ana e monitoruesve të BIRN-it.
Procesi i emërimit/riemërimit të gjykatësve dhe prokurorëve
Procesi i emërimit/riemërimit të gjykatësve dhe prokurorëve
NDIQ GJURMËT NËPËR LETRA
UDHËZUES PËR GAZETARI hulumtuese të bazuar në dokumente në Kosovë-shkurt 2011
Raporti i Monitorimit të Gjykatave 2010
Një raport i detajuar analitik për punën dhe administrimin e gjykatave të Prishtinës, Pejës, Prizrenit, Gjilanit, Mitrovicës, Ferizajt, Gjakovës,Deçanit, Vushtrrisë, Podujevës, Lipjanit, Klinës dhe Istogut. Raporti përmban informata të rëndësishme të grumbulluara nga rrjeti i monitoruesve, të vendosur në komunat
kryesore të Kosovës dhe ka për synim identifikimin e problemeve dhe çështjeve kryesore me të cilat përballet
sistemi gjyqësor në Kosovë.
Raporti i monitorimit të gjykatave 2009
Monitorimi i punës dhe i administrimit të gjykatave në Prishtinë, Pejë, Mitrovicë, Gjilan, Ferizaj, Vushtrri dhe Skenderaj.
SISTEMI I ZGJEDHJES SË DREJTPËRDREJTË TË KRYETARIT NË QEVERISJEN LOKALE
Raporti Sistemi i Zgjedhjes së Drejtëpërdrejtë të Kryetarit në Qeverisjen Lokale synon të ofrojë një pasqyrë kritike për arsyeshmërinë dhe zbatueshmërinë e sistemit qeverisës komunal me Kryetarin e komunës si figurë qendrore ekzekutive, në vitin e tretë të zbatimit të tij. Shtyllat në të cilat është hulumtuar efikasiteti i këtij sistemi janë: raportet mes organeve të pushtetit lokal, llogaridhënia e ekzekutivit, respektimi i ligjit, lidhja e kryetarit me qytetarët, ofrimi i shërbimeve publike (furnizimi me ujë dhe menaxhimi i hedhurinave, investimet kapitale (në projekte shkollash e rrugësh), niveli i transparencës, konsultimet publike dhe vendimmarrja qytetare.
Gjendja dhe Problemet në Universitetin e Prishtinës
Raport analitik i hulumtimit mbi problemet dhe cilësinë e studimeve në Universitetin e Prishtinës. Po bëhen më shumë se dhjetë vite që nga përfundimi i luftës në Kosovë dhe Universiteti i Prishtinës (UP) ende vazhdon të vuajë nga një varg problemesh të ndryshme, si rezultat i të cilave kualiteti i studimeve në UP vazhdon të mbetet i pakënaqshëm. Për këtë arsye, BIRN-i ka vendosur që të bëjë një hulumtim, i cili ka një mostër përfaqësuese, gjithëpërfshirëse, dhe i cili trajton problemet praktike të studentëve. Të dhënat nga hulumtimi tregojnë se problemet më të mëdha në UP (nga këto që ka mbuluar ky hulumtim) janë mos implementimi i metodave bashkëkohore të mësimdhënies dhe të vlerësimit, mungesa e punës praktike, mungesa e literaturës adekuate të studimeve, vlerësimi jo objektiv i mësimdhënësve dhe raportet jo të mira student profesorë.
Problemet dhe të Metat e Teksteve Shkollore
Analizë e teksteve shkollore të Kosovës të ciklit të Shkollës së Mesme të Ulët (klasët VI, VII, VIII dhe IX). Roli dhe funksioni i teksteve shkollore në procesin e informimit, arsimimit dhe edukimit të nxënësve, vazhdon të jetë i pazëvendësueshëm dhe, rrjedhimisht, cilësia e teksteve shkollore ka një rëndësi të veçantë për të ardhmen dhe karrierën e nxënësve. Prandaj, duke u nisur nga kjo, BIRN-i ka vendosur që, përmes një studimi dhe analize të mirëfilltë e objektive, të nxjerrë në pah disa probleme dhe të meta të teksteve shkollore të ciklit të Shkollës së Mesme të Ulët.
Raporti i Monitorimit të Sistemit Arsimor
Report on monitoring the elementary and high schools in Prishtina: Mitrovica, Ferizaj, Peja and Gjilan
Analytical report of the situation and the problems in the University of Prishtina
Bleni DVD-të
Disa episoda të emisionit televiziv "Jeta në Kosovë" tani mund t'i keni edhe në DVD. DVD-të mund t'i bleni në librarinë "Dukagjini" që gjendet në qendër të Prishtinës.
Më shumë
Na shkruani me komentet, propozimet ose rekomandimet tuaja, në mënyrë tejet konfidenciale.
Postoni komentet tuaja
Shkruani komentet tuaja për debatet e BIRN-it. Në ueb-faqen e re, BIRN-i dëshiron që të marrë drejtpërdrejt opinionet e juaja, përmes seksionit të komenteve.
Më shumë
Balkan Investigative Reporting Network
Opinionet e shprehura në publikime janë të autorëve dhe nuk paraqesin medoemos opinionin e Rrjetit Ballkanik për Gazetari Hulumtuese, BIRN.
Komentet:
Nuk ka komente.