RSS Feedrss
letters Na shkruani >>
Kërkoni
 

Jeta në Kosovë diskuton për arrestimet nga Serbia

Jeta në Kosovë, këtë të enjte, diskuton për arrestimet e fundit nga shteti serb. Më shumë


Produksioni televiziv

countryicon Klikoni këtu për të shikuar edicionin e fundit të emisionit "Jeta në Kosovë"!
Më shumë

Ndrysho madhësinë e shkronjave
+ -

verzioni për printim

copyright

Debatet Televizive

24 korrik 2006  BIRN në Kosovë e prodhon programin javor me tema aktuale, “Jeta në Kosovë”, i cili transmetohet në televizionin publik të Kosovës, RTK. Programi përfshinë reportazhe nga terreni mbi çështjet në fjalë, pyetje dhe përgjigje të drejtpërdrejta me vendimmarrësit dhe me palët që preken nga ajo çështje si dhe debat në studio. Ai i mbulon çështjet më të rëndësishme politike dhe shoqërore në Kosovë që dalin në pah brenda një jave.

Temat e zgjedhura i përcjellin për së afërmi aktivitetet e qeverisë, procesin legjislativ në parlamentin e Kosovës dhe çështjet që kanë të bëjnë me komunitetet joshqiptare si dhe ato të ekonomisë, të drejtave të pronës dhe të decentralizimit të qeverisë.Më shumë

Suksesi i treguar

05 dhjetor 2006  Raportimi nga stafi i BIRN-it gjatë trazirave të marsit në Kosovë është lavdëruar nga shumë institucione dhe nga shumë media ndërkombëtare është përdorur si burim i baraspeshuar dhe i saktë.
Jeta Xharra, drejtoreshë e BIRN-it në Kosovë ka raportuar nga vendi i ngjarjes për BBC Newsnight, BBC News24, BBC World si dhe për US National Public Radio, Deutche Welle, Radio France International dhe Canadian Broadcasting Cooperation.

Hulumtimi nga vendi i ngjarjes, nga Obiliqi, 5 km në lindje të Prishtinës, që ajo e ka bërë si reporter i IWPR-së, është publikuar si artikull i faqes së parë.

Një artikull mbi trazirat e marsit, ku Xharra ishte ko-autore, është botuar në faqen e parë
të së përditshmes londineze ‘The Independent’ , më 19 mars, 2004.Më shumë

Gjykatat

11 mars 2009  se diMë shumë

Projekti i BIRN-it në Kosovë

05 dhjetor 2006  BIRN në Kosovë synon të ndihmojë në heqjen e barrierave drejt stabilizimit dhe integrimeve në Evropë, duke ofruar informacione, trajnime dhe duke sfiduar ngjarjet aktuale në debatet televizive.
Çështja kritike e statusit të Kosovës ia ka zënë rrugën re-integrimit të saj politik dhe ekonomik në Ballkan dhe më gjerë në Bashkësinë Evropiane. Kjo pengon çdo investim serioz ndërkombëtar në Kosovë, derisa krimi i organizuar përfiton nga kjo mbështetje dhe ndalja e korrupsionit duket diçka e komplikuar. De fakto, vija e ndarjes në mes të komunitetit serb dhe atij shqiptar po bëhet edhe më e ashpër.

Brenda komunitetit shqiptar shumicë, rivaliteti politik është i madh dhe e çalon përparimin në të gjitha fushat. Pos kësaj, administrata ndërkombëtare e UNMIK-ut është kritikuar ashpër për dështimin e saj për të ofruar diç më shumë në përmirësimin e infrastrukturës dhe të shërbimeve themelore. Pas disa viteve të administrimit nga OKB-ja, Kosova ka ende çdo ditë reduktime të rrymës.

Sidoqoftë, çështja e statusit të Kosovës tash është hapur, duke hapur dialog për ngjarjet e së kaluarës, të drejtat e minoriteteve dhe rregullimit të ardhshëm të Kosovës. Megjithatë, ekziston edhe një potencial për jostabilitet nga ata që nuk do ta pëlqejnë rezultatin e statusit final.

Dhe çfarëdo qofshin rezultatet e statusit final – në Kosove mbesin ende probleme të tjera kyçe. Kosova ka institucione të dobëta, nuk ka vizion makro-ekonomik dhe as policia dhe as gjykatat nuk funksionojnë mirë. Pos kësaj, jemi një nikoqir i qeverisë lokale dembele dhe të papërgjegjshme dhe i një universiteti të politizuar.
 
Metoda e BIRN-it në Kosovë
 
BIRN është një nga organizatat prijëse në zhvillimin e mediave në Kosovë,  e specializuar në raporte, gazetari, trajnime dhe TV emetime hulumtuese.
 
Ballkan Insajt, publikim analitik i BIRN-it i mbulon çështjet kyçe politike, shoqërore dhe ekonomike me të cilat ballafaqohet Kosova. Hulumtimet dhe analizat i kanë përcjellur zhvillimet dhe dinamikat që rrallë preken nga mediat tjera, derisa përfshirja në rrjetin BIRN e ka siguruar kontekstin rajonal e ndërkufitar të saj.
 
Si përgjigje ndaj nevojës së madhe për profesionalizëm në media, BIRN në Kosovë e ka zhvilluar një modul të trajnimit praktik, kursin Gazetaria e Nivelit Primar, i cili tash përdoret nëpër tërë rrjetin e BIRN-it. Kursi i parë nga kjo seri i ka tërhequr 220 aplikacione, që nga shpallja e parë e tij në shkurt të vitit 2004 dhe që nga atëherë, 28 gazetarë e kanë kryer trajnimin dhe kanë publikuar artikuj nga trajnimi.
 
Duke e pasur parasysh ndikimin e televizionit në Kosovë, BIRN, që nga viti 2003, është duke e përmbushur nevojën për programe të mira të aktualiteteve në rajon, duke bashkëpunuar me emetues lokalë për të prodhuar rregullisht emisione me analiza të lajmeve dhe me debate. Kjo nënkupton moderim vigjilent, reportazhe nga tema përkatëse dhe pyetje sfiduese në studio në mënyrë që të plotësohet roli i kujdestarit, për të cilin shoqëria dhe qeveria kosovare kanë nevojë me të madhe.
 
Pos kësaj, BIRN në Kosovë, në gjysmën e dytë të vitit 2005, e ka udhëhequr një projekt me rrjetin rajonal, në prodhimin e një dokumentari njëorësh që e shqyrton në detaje çështjen e statusit të Kosovës, duke u fokusuar në mënyrën se si politikanët i trajtojnë brengat e njerëzve të zakonshëm që preken nga kjo çështje.
Që nga tetori i vitit 2005, BIRN në Kosovë, në partneritet me Televizionin Publik të Kosovës, RTK, është duke prodhuar debate televizive në temat aktuale, “Jeta në Kosovë”, që është bërë njëri ndër programet televizive më të popullarizuara në vend.