Ndrysho madhësinë e shkronjave

verzioni për printim

copyright

Jeta në Kosovë debaton për ligjin zgjedhor

12 qershor 2008  Këtë të enjte, emisioni “Jeta në Kosovë” ka pasur për debat temën e ligjit për zgjedhjet. Panelistët në vijim kanë diskutuar se sa zona zgjedhore duhet t’i ketë Kosova, dhe nëse një mjafton, si do të ndikojë kjo në jetën e qytetarëve.

A do të mundësojë Ligji i ri Zgjedhor krijimin e pozitave dominonte në parti dhe a do të vazhdojnë kosovarët akoma të interesohen vetëm në liderët e partive e jo në kandidatë?

Ibrahim Gashi – Deputet i parlamentit nga Aleanca Kosova e Re, AKR
Memli Krasniqi – Deputet i Parlamentit nga Partia Demokratike e Kosovës, PDK
Emrush Xhemajli – Deputet, nga Lëvizja Popullore e Kosovës, LPK
Burim Ejupi – përfaqësues i shoqërisë civile

Fillimisht një reportazh i përgatitur nga gazetari i BIRN-it, Muhamet Hajrullahu ka vënë në pah zërat e qytetarëve të rëndomtë dhe përfaqësuesve lokalë partiakë në lidhje me ligjin. Ata kanë shpalosur shqetësimet e tyre se me ligjin e ri interesat e tyre nuk do të mbrohen. Reportazhi është fokusuar veçanërisht në Obiliq, komunë kjo e cila nuk ka asnjë përfaqësues në parlament.

Krasniqi ka reaguar duke thënë se nuk është vetëm Obiliqi por edhe Novo Bërda e cila nuk ka asnjë përfaqësues në parlament.

“Edhe në zgjedhjet e vitit 2007, Obiliqi nuk do të mund të kishte ndonjë përfaqësues, sepse numri i votuesve ka qenë shumë i vogël”, ka thënë ai.

“Ne nuk mund t’ua imponojmë demokracinë qytetarëve,” ka thënë ai.

Xhamajli i cili është i vetmi deputet që ka votuar kundër ligjit ka thënë se ai ka vepruar ashtu “në mënyrë që të mbrohen interesat e qytetarëve”.

“Kur votat shpërndahen nëpër Kosovë, atëherë është edhe më vështirë për deputetin ta dijë se kush është elektorati i tij, dhe për votuesin të dijës e kë e ka të zgjedhur” Xhemajli është shprehur duke folur për sistemin proporcional.

Ejupi është pajtuar duke thënë se “flitet për përfaqësimin gjeografik, por ku po mbetet llogaridhënia?” ka pyetur.

“A e keni pyetur elektoratin për ligjin e festave?” i ka pyetur ai panelistët.

Ejupi ka sugjeruar se Kosova më së miri do të organizohej në shtatë zona, pasi që në këtë mënyrë rajonet e caktuara do të kishin përfaqësime më direkte.

Krasniqi është përgjigjur duke thënë se “për projekte të ndryshme, it qeveria komunale është ajo që bënë kërkesën nga ajo qendrore, ashtu që kjo nuk ka ndonjë dallim.”

Gashi, ka pranuar se sidoqoftë me ligjin e ri, përfaqësimi rajonal është bërë edhe më i vështirë.

“Kështu, vetëm njerëzit më të njohur do të votohen, kurse kuadrot e reja me kualifikim nuk do të mund të zgjidhen,” Gashi ka thënë duke shtuar se “tash përfaqësimi do të jetë edhe më i ulët se sa më parë.”

Krasniqi emphasised se pas një kohë do të mund të bëhet ndonjë rishikimi i ligjit dhe ai do të mund të amendamentohet, nëse shihet e nevojshme në të ardhmen.

Ejupi ka kritikuar mandatin e disa deputetëve të tanishëm, duke thënë se ka të tillë në parlament të cilët nuk kanë më shumë gjashtëdhjetë vota, dhe “në të ardhmen, edhe ata të cilët nuk kanë ndonjë votë fare, do të mund të hyjnë në parlament”

Xhemajli është ankuar se “disa përfaqësues, janë legalë kur përzgjidhen nga partia, por j edhe kur shkojnë në zgjedhje [bazuar në këtë sistem].”

Krasniqi ka theksuar se elektorati mund të kategorizohet si të dojë dikush.

“Ose sipas rajonit ose sipas grupeve,” ka thënë ai “për shembull, unë kam marrë vota më shumë nga rinia, dhe ai ka qenë grupi ku unë jam përqendruar”

Xhemajli ka thënë se “edhe në këtë mënyrë, ligji është i komplikuar sepse kjo do të thotë që kandidati të vrapojë rajon pas rajoni për të marrë vota”.

Sa i përket debatit për ligjin, Xhemajli ka thënë se qeveria u ka ofruar mundësinë partive opozitare për të paraqitur idetë e tyre.

“…por opozita është e dobët te ne, dhe ajo merret me kritika ndaj gjërave të parëndësishme e jo për ato të rëndësishme, sikurse ligji”, ka thënë ai.

Përgjigja e Gashit ka qenë se “opozita ka ofruar idetë e saj, por nuk i janë pranuar, dhe pastaj ne kemi votuar pro, vetëm për hir që të kemi një ligj”

Xhemajli e ka kritikuar kryetarin e Kosovës, i cili ka thirrur vetëm partitë që janë në parlament për të diskutuar rreth ligjit zgjedhor.

“Ka parti të cilat nuk janë të përfaqësuara në parlament, por ato janë të regjistruara dhe janë aktive, kurse një ditë do të mund të hyjnë prapë në parlament” Xhemajli ka shtuar.

Ai po ashtu ka kritikuar qeverinë “e cila është shumë e dobët për t’u ballafaquar me qeverinë kur bëhet fjalë për sfida”.

“Gjatë debatit nga kryetari, ju keni heshtur kur nuk janë ftuar edhe partitë tjera, andaj qeveria jonë e do kësi soj opozite” Xhemajli është shprehur.

“Ky sistem e mundëson krijimin e sistemit njëpartiak ose tripartiak,” Ejupi ka thënë duke shtuar se “nëse duam sistem me lista të mbyllura, atëherë t’ua lëmë partive të vendosin, e nëse jo, atëherë ai ligj do të duhej të ndryshojë.”

Një reportazh tjetër i përgatitur nga Bekim Salihu është transmetuar, duke vënë në pah llogaridhënien e të zgjedhurve ndaj elektoratit të tyre. Aty është parë se si kutitë për ankesa, të disenjuara për pranimin e letrave të qytetarëve në afërsi të komunës kanë mbetur pa çelës.

Sa i përket kutive, Krasniqi ka thënë se kjo çështje u takon komunave por ka pranuar se “çështje të ngjashme na japin edhe më shumë përgjegjësi, pasi që për të tilla raste duhet të kujdesemi në mbarë Kosovën.”

Ejupi ka shfaqur mospajtimin duke thënë se “nëse një deputet është anëtar i një zone të caktuar, atëherë ai deputet do të bënte më presion në komunën e vet për ndonjë projekt.”

Emisioni “Jeta në Kosovë”, bashkëprodhim i RTK-së dhe Rrjetit Ballkanik të Gazetarisë Hulumtuese, BIRN, transmetohet çdo të premte me fillim prej orës 20:15