Ndrysho madhësinë e shkronjave

verzioni për printim

copyright

Jeta në Kosovë debaton për munësitë e Kosovës që të ballafaqohet me rastet emergjente

21 gusht 2008  Emisioni i kësaj jave, Jeta në Kosovë, e ka trajtuar çështjen se sa është Kosova e furnizuar dhe e gatshme për t’u ballafaquar me situatat emergjente.

A ka Kosova kapacitet për t’u ballafaquar me katastrofat natyrore, si zjarret e mëdha apo tërmetet? A munden shërbimet emergjente të ballafaqohen me rreziqet shënetësore, të befasishme dhe të paparashikuara? A munden institucionet t’ju bëjnë ballë këtyre situatave? A ka Kosova plan për
ndonjë reagim emergjent? Kush në qeveri merret me këto çështje?

Për t’i diskutuar këto dhe çështje të tjera, pjesëmarrës në studio ishin:

Bislim Zyrapi – Drejtor i Departamentit për Emergjenca dhe Menaxhimin e Rrezikut, në Ministrinë e Punëve të Brendshme;
Pashk Buzhala – Departamenti i Emergjencave në Ministrinë e Shëndetësisë;
Basri Lenjani – Drejtor i Qendrës Emergjente të Kosovë;
Lumturije Behrami – Profesor i Mbrojtjes dhe Sigurisë Civile;
Florian Qehaja – Qendra Kosovare për Studime të Sigurisë dhe të Rrezikut Politik.

Debati filloi me një reportazh nga gazetari i BIRN-it, Bekim Salihu. Reportazhi shfaqi problemet në fshatrat e Malishevës, ku fshatarët ballafaqohen me epideminë e rriqnave çdo vit, ndërsa qeveria nuk ka ndërmarrë ndonjë hap për ta adresuar këtë situatë.

Pas reportazhit, Buzhala filloi debatin. Ai tha se Ministria e Punëve të Brendshme po merret me këtë problem dhe është duke parandaluar përhapjen e mëtutjeshme të rriqnave.

“Nuk është vetëm Malisheva që i ka këto simptoma,” tha ai, duke shtuar se një pjesë e problemit është fakti që njerëzit nuk i njohin simptomat e sëmundjes së rriqnave dhe për këtë arsye kjo mund të jetë fatale.

Lenjani reagoi duke thënë se Kosova nuk ka të afta institucionet dhe shërbimet për t’u ballafaquar me rriqnat.

“Kur vijnë pacientët, ne duhet t’ vendosim në repartin e emergjencës, edhe pse do duhej të mjekoheshin në repartin e infeksionit,” tha ai.

Ai tha se Kosova nuk ka kushte në klinikat emergjente dhe askush nuk kujdeset për këtë gjë.

“Personalisht, kam dërguar një letër në Ministrinë e Shëndetësisë, dhe kurrë nuk kam marrë përgjigje në pyetjet e mia,” tha ai.

Buzhala e ndërpreu Lenjanin dhe tha se klinikat emergjente vërtetë reagojnë në situata të tilla emergjente. “Në klinikat emergjente ka shumë paisje për t’u ballafaquar me raste të tilla,” tha ai.

Zyrapi theksoi se qeveria nuk po merret vetëm me problemet e klinikës emergjente në Prishtinë. “Diçka mund të ndodhë gjithmonë në secilën klinikë emergjente në Kosovë,” tha Zyrapi, duke shtuar se Ministria e Punëve të Brendshme po bënë më të mirën që mundet.

Behrami tha se të gjitha institucionet po e hudhin topin e përgjegjësisë nga njëra palë tek tjetra. “Çdokush mund ta sheh se në çfarë pozite do të ishim, nëse do të ndodhte ndonjë gjë fatale,” tha ajo.

“Kosova nuk ka kapacitete për të ndërmarrë hapa serioz në rast se do të na godiste ndonjë tërmet,” potencoi ajo.

Buzhala e ndërpreu Behramin, duke shtuar se Kosova me të vërtetë ka plan për situatat emergjente.

Në lidhje me këtë, Qehaja tha se edhe pse mund të ketë plan, nuk ka strategji. “Është sikur të thuash se ligji ekziston, por nuk implementohet,” theksoi ai.

Buzhala shtoi se asnjëri nga qytetet e Kosovës nuk do të ishte në gjendje të ballafaqohej me ndonjë katastrofë eventuale.

“Nuk kemi teknikën dhe paisjet,” tha ai, duke shtuar se pas luftës, shumë donatorë kanë kontribouar për kët çështje, por Kosova gjithmonë ka përfunduar me teknikë dhe paisje të dorës së dytë.

Gjatë emisionit, u shfaq një reportazh nga gazetarja e BIRN-it, Jeta Abazi, duke përshkruar kapacitetin e zjarrfikësve në Kosovë, si dhe problemet që ata kishin në Lipjan, ku janë vetëm dy kamionë dhe zjarrfikësit mbijetojnë me një pagë të vogël.

Pas reportazhit, Qehaja tha se paratë që i ka ndarë qeveria për situata emergjente në të gjitha departamentet, nuk janë menaxhuar mirë.

Lenjani shtoi se është koha që t’i shohim gjërat realisht. “Kam vetëm një ambulancë në klinikën time emergjente,” theksoi ai. “Si mund të reagoi në situata, kur ka më shumë se katër a pesë aksidente në ditë?”

Qehaja tha se të gjithë e dijnë se buxheti i Kosovës është i kufizuar, por departamenteve të emergjencave ju mungon edhe iniciativa.

“Gjithmonë ka donatorë që mund të na ndihmojnë në këtë drejtim,” tha ai. “Kemi mundur të kemi më shumë se një ambulancë, po të kishim dashur,” shtoi ai.


Emisioni “Jeta në Kosovë”, bashkëprodhim i RTK-së dhe Rrjetit Ballkanik të Gazetarisë Hulumtuese, BIRN, transmetohet çdo të premte me fillim prej orës 20:15.