Ndrysho madhësinë e shkronjave

verzioni për printim

copyright

Jeta në Kosovë debaton për tri maunet misterioze

07 gusht 2008   Emisioni i kësaj jave, “Jeta në Kosovë”, ka debatuar për vonesën e shkatërrimit të tri mauneve me acid sulfurik, në kompleksin e Trepçës në Mitrovicë.

U trajtua çështja se pse është vonuar shkatërrimi i mauneve helmuese deri më tani. Sa është i rrezikshëm acidi sulfurik? Faji i kujt është që këto maune janë lejuar që të hyjnë në Kosovë? Cila kompani është zgjedhur për t’i shkatërruar maunet? Sa kohë do të marrë shkatërrimi i këtyre materialeve dhe sa do t’i kushtojë një gjë e tillë qeverisë
së Kosovës? A është në rrezik jeta e qytetarëve që jetojnë
afër kytëre konteinerëve?

Për t’i diskutuar këto dhe çështje të tjera, pjesëmarrës në studio ishin:

Bislim Zyrapi – Drejtor i Departamentit për Menaxhimin e Emergjencave në Kosovë;
Enver Tahiri – nga from the Environment Spatial Mission in Kosovo;
Halil Qela – inxhinier nga Kosova dhe organizator i protestave kundër konteinerëve;
Nexhit Musa – Specialist i ambientit në Mitrovicë.
 
Tahiri tha se ka pasur probleme se ku të vendoset acidi, për shkak të reagimeve të njerëzve dhe për shkak të erës së acidit.
 
“Kemi bërë shumë analiza, por nuk kemi gjetur të dhëna nëse kjo substancë është e rrezikshme apo jo,” tha Tahiri.
 
Qela nuk u pajtua. Ai theksoi se popullata nuk bënë analiza, por janë ata që ballafaqohen me pasojat, në rast se përmbajtja e mauneve është helmuese. “Prej të gjitha fakteve që kemi, konkluza jonë është se tri maunet misterioze janë helmuese. Nëse do të vendosnim disa drunjë aty, pas pak kohe drunjët do të kalbeshin,” tha ai.
 
Musa theksoi se ky acid sulfurik është shumë i rrezikshëm për popullatën e Mitrovicës. “Kjo substancë shkakton kokëdhembje, dhimbje të barkut dhe marramendje,” tha ai, duke shtuar se “kurrë nuk kam parë më shumë njerëz duke blerë barëra për arsye të tilla, se sa këto tri javët e fundit.”
 
Ai tha se ka dëgjuar se 12 njerëz janë helmuar në fshatin që gjendet afër mauneve.

Qela e ndërpreu diskutimin dhe e pyeti Zyrapin se pse këto maune është dashur të vendoseshin në Mitrovicë. “Ndoshta për shkak se të gjithë e dijnë se Mitrovica ka imunitet më të lartë fër helmet,” tha ai me ironi.
 
Zyrapi nuk u pajtua. “Ne gjithmonë reagojmë në situata emergjencash. Kjo nuk ka qenë emergjencë,” tha ai.
 
Debati u tensionua kur panelistët diskutuan nëse është në burg personi që ka transportuar maunet misterioze.

Tahiri tha se normalisht që personi është në burg. “Unë nuk e di se deri ku kanë arritur hetimet,” tha ai, duke shtuar se Ministria e Ambientit dhe Ministria e Punëve të Brendshme janë duke punuar në këtë drejtim.
 
Në vazhdim, u transmetua një reportazh nga gazetarja e BIRN-it, Fatmire Tërdevci. Reportazhi vuri në dukje se acidi sulfurik është i rrezikshëm për popullatën e Mitrovicës.
 
Pas reportazhit, Qela tha se popullata e fshatit Shupkovc kanë vendosur të protestojnë. “E di se bllokimi i rrugëve nuk është vendimi i duhur, por ishte mënyra e vetme që të marrim një reagim nga qeveria.

Ndërgjegja ime dhe fëmijët e mi ishin arsyet për protestimin tim,“ tha ai.
 
Gjatë debatit, panelistët prezantuan shumë pyetje, por nuk morën përgjigje. Kështu që, puna e tri mauneve mbetet mister.

Tahiri potencoi se Ministria e Ambientit është përgjegjëse për acidin. “Kemi një grup që punon me këtë acid, kështu që, natyrisht se do ta gjejmë një opcion që ta kthejmë atë prapa, prej nga ka ardhur, “ tha Tahiri.
 
Qela e ndërpreu bisedën duke thënë se ai mendon se qeveria nuk po e merr mjaft seriozisht çështjen e maunave. “Kjo nuk është naftë, është helm!. Ministria e Ambientit dhe qeveria duhet të reagojë sa më shpejt që mundet,” tha ai.

Musa e përfundoi debatin duke thënë se nuk ka shancë që ky helm të largohet nga Kosova. “Kjo nuk është çështje politike, është çështje humane, prandaj është më mirë që të reagohet tash , sepse ky problem mund të jetë një problem ambiental për tërë Mitrovicën, e ndoshta edhe për Kosovën,” tha ai.
 
Në vazhdim të debatit, Jeta në Kosovë transmetoi një intervistë ekskluzive me ministrin e ambientit, Mahir Yakcilar, duke e pyetur atë rreth maunave misterioze.
 
Yagcilari u përgjigj se, sipas raportit, maunet në Mitrovicë përmbajnë acid sulfurik.

Ai tha se maunet janë të rrezikshme për popullatën e Mitrovicës dhe qeveria po punon që të gjejë një mënyrë për t’u ballafaquar me këto maune.

Ai tha se qeverisë i duhet kohë që ta shkatërrojë këtë material të mauneve dhe ekziston një grup që do të punojë në këtë drejtim. Por, qeveria ende nuk e ka gjetur zgjidhjen finale.

Në fund të programit, u shfaq një reportazh nga gazetari i BIRN-it, Muhamet Hajrullahu, ku u shfaqën njerëz të cilët dhurojnë gjak në Prishtinë.


Emisioni “Jeta në Kosovë”, bashkëprodhim i RTK-së dhe Rrjetit Ballkanik të Gazetarisë Hulumtuese, BIRN, transmetohet çdo të premte me fillim prej orës 20:15.