Jetë në Kosovë diskuton për situatat emergjente
Sonte, Jeta në Kosovë, transmeton debat për situatat emergjente në vendin tonë.
Më shumë
Klikoni këtu për të shikuar edicionin e fundit të emisionit "Jeta në Kosovë"!
Më shumë
“Jeta në Kosovë” interviston shefin e Zyrës Civile Ndërkombëtare dhe debaton për delikuencën e të rinjve
29 janar 2009 Këtë të enjte, shikuesit e emisionit “Jeta në Kosovë” patën mundësinë ta përcjellin intervistën ekskluzive me Pitër Feith, shefi i Zyrës Civile Ndërkombëtare në Kosovë.
Intervista filloi me pyetjen e Krenar Gashit për zhvillimet e përgjithshme që arriti Kosova pas deklarimit të pavarësisë më 17 shkurt 2008.
Feith shpjegoi se beson që Kosova ka treguar zhvillime të konsiderueshme, duke marrë parasysh miratimin e kushtetutës, njohjet ndërkombëtare të pavarësisë dhe rruga nëpër të cilën Kosova po ecë për t’iu bashkuar Bankës Botërore dhe FMN-së.
Intervista u bë edhe më sfiduese kur Feith-it iu parashtrua pyetja për vendimin e tij që mbështet presidentin e Kosovës, Fatmir Sejdiu, për shtyrjen e zgjedhjeve presidenciale. Ai poashtu theksoi se mandati i tij në Kosovë ka të bëjë me këshillim e jo me mbikëqyrje, siç kërkonte mandati i UNMIK-ut.
Përgjatë kohëzgjatjes së emisionit BIRN-i gjithashtu transmetoi edhe debatin mbi delikuencën e të rinjve dhe faktorët që ndikojnë në sjelljet e tilla.
A po zbatohet ligji penal në Kosovë? Si po ngecë zbatimi i këtij ligji dhe a ka bashkëpunim të mjaftueshëm mes akterëve kryesorë në zbatimin e këtij ligji? Sa zgjasin dënimet më të rënda për të rinjtë në Kosovë? A ka Kosova institucione relevante që merren me parandalimin e sjelljeve devijante të fëmijëve?
Paneli debatues prezent për t’i diskutuar këto dhe shqetësime të tjera në lidhje me këtë temë, përbehej nga:
Metije Ademi – kryetare e Shërbimit Korrektues;
Salih Dragidella – Policia e Kosovës;
Nesrin Lushta – Gjykatëse në Gjykatën Supreme të Kosovës;
Afrim Ibrahimi – zyrtar për të drejtat e fëmijëve në UNICEF;
Diskutimi u hap me rastin e një të riu kosovar, që u dënua me tetë vjet burgim për vepra kriminale, armëmbajtje ilegale dhe vrasje.
Nesrin Lushta, Gjykatëse në Gjykatën Supreme të Kosovës, zbuloi se sipas ligjit të ri penal për të miturit, i cili u miratua më 20 prill 2004, dënimet për të mitur ndryshojnë në mes të gjashtë muaj dhe pesë vjet, mirëpo në raste të dyfishta kriminale mund të shqiptohet dënimi deri në dhjetë vjet.
Sipas Sami Dragidellës, zyrtar nga Policia e Kosovës, në krahasim me vitin e kaluar, statistikat e këtij viti zbulojnë një rritje prej 36 % në krimet e kryera nga të rinjtë në Kosovë.
Afrim Ibrahimi nga UNICEF konfirmoi statistikat e Dragidellës, duke u bazuar në raportin qe UNICEF publikoi për trendet sasiore të përfshirjes së rinisë në sjellje delikuente ose krime tjera më të rënda.
“Trendet e delikuencës në Kosovë janë më të ulëta në krahasim me ato të Europës perëndimore, por më të larta në krahasim me trendet e shteteve të Ballkanit perëndimor.
Natyrisht që është shumë shqetësuese, kur kemi parasysh mundin tonë për reformimin e sistemit gjyqësor dhe ndërtimin e kapaciteteve të institucioneve relevante për parandalimin e delikuencës dhe kriminalitetit tek të rinjtë,” tha Ibrahimi, duke shtuar shqetësimet e tij për zbatimin e këtij ligji.
E pyetur për bashkëpunimin në mes të Shërbimit Korrektues dhe institucioneve tjera të drejtësisë, Metije Ademi, kryetare e këtij institucioni, theksoi se qëllimi i ligjit të ri penal për të miturit është ekzekutimi, riintegrimi dhe risocializimi i adoleshentëve që kanë kryer vepra penale në të kaluarën.
“Ekziston një bashkëpunim i shkëlqyeshëm në mes të të gjithë institucioneve të përfshira në këto raste, edhe pse në fillim kishte pak vështirësi me familjarizimin me ligjin e ri,” vuri në pah Ademi.
Pas debatit qendror, BIRN-i poashtu transmetoi edhe rubrikën “Kultura në Kosovë,” që tregoi segmente nga ekspozita e të ndjerit Ibrahim Ponosheci, e organizuar për nder të njëvjetorit të vdekjes së tij, për këtë artist që cilësohet si i pari që solli trendet e reja të artit figurativ në Kosovë.
Gjatë këtij reportazhi, gazetari i BIRN-it, Arif Muharremi, bëri një kritikë artistike të filmit “Ne dhe Lenini”, film shqiptar nga regjisori Saimir Kumbaro.
Në fund, pas rubrikës “Dhandrri i Kosovës,” Jeta Xharra konfrontoi Nexhat Demakun, kryetar i komunës së Drenasit.
Emisioni "Jeta në Kosovë" është bashkëprodhim i Rrjetit Ballkanik të Gazetarisë Hulumtuese-BIRN, dhe televizionit publik të Kosovës- RTK. Emisioni transmetohet çdo të enjte, prej orës 20:20.
PROCESI I EMËRIMIT DHE RIEMËRIMIT TË GJYKATËSVE DHE PROKURORËVE
Raporti për emërimin dhe riemërimin e gjykatësve dhe prokorurorëve analizon rrjedhën e këtij procesi duke u foksuar në anët pozitive dhe ato të errëta që kanë karakterizuar këtë proces deri në përmbyllje të tij.
RAPORTI I MONITORIMIT TE GJYKATAVE PRILL 2010 - SHKURT 2011
Raporti për monitorimin e gjykatave është nxjerrë në bazë të monitorimit të vazhdueshëm në të gjitha gjykatat komunale dhe të qarkut të Kosovës. Të gjeturat e këtij raporti bazohen në monitorimin e 2,147 seancave gjyqësore nga ana e monitoruesve të BIRN-it.
Procesi i emërimit/riemërimit të gjykatësve dhe prokurorëve
Procesi i emërimit/riemërimit të gjykatësve dhe prokurorëve
NDIQ GJURMËT NËPËR LETRA
UDHËZUES PËR GAZETARI hulumtuese të bazuar në dokumente në Kosovë-shkurt 2011
Raporti i Monitorimit të Gjykatave 2010
Një raport i detajuar analitik për punën dhe administrimin e gjykatave të Prishtinës, Pejës, Prizrenit, Gjilanit, Mitrovicës, Ferizajt, Gjakovës,Deçanit, Vushtrrisë, Podujevës, Lipjanit, Klinës dhe Istogut. Raporti përmban informata të rëndësishme të grumbulluara nga rrjeti i monitoruesve, të vendosur në komunat
kryesore të Kosovës dhe ka për synim identifikimin e problemeve dhe çështjeve kryesore me të cilat përballet
sistemi gjyqësor në Kosovë.
Raporti i monitorimit të gjykatave 2009
Monitorimi i punës dhe i administrimit të gjykatave në Prishtinë, Pejë, Mitrovicë, Gjilan, Ferizaj, Vushtrri dhe Skenderaj.
SISTEMI I ZGJEDHJES SË DREJTPËRDREJTË TË KRYETARIT NË QEVERISJEN LOKALE
Raporti Sistemi i Zgjedhjes së Drejtëpërdrejtë të Kryetarit në Qeverisjen Lokale synon të ofrojë një pasqyrë kritike për arsyeshmërinë dhe zbatueshmërinë e sistemit qeverisës komunal me Kryetarin e komunës si figurë qendrore ekzekutive, në vitin e tretë të zbatimit të tij. Shtyllat në të cilat është hulumtuar efikasiteti i këtij sistemi janë: raportet mes organeve të pushtetit lokal, llogaridhënia e ekzekutivit, respektimi i ligjit, lidhja e kryetarit me qytetarët, ofrimi i shërbimeve publike (furnizimi me ujë dhe menaxhimi i hedhurinave, investimet kapitale (në projekte shkollash e rrugësh), niveli i transparencës, konsultimet publike dhe vendimmarrja qytetare.
Gjendja dhe Problemet në Universitetin e Prishtinës
Raport analitik i hulumtimit mbi problemet dhe cilësinë e studimeve në Universitetin e Prishtinës. Po bëhen më shumë se dhjetë vite që nga përfundimi i luftës në Kosovë dhe Universiteti i Prishtinës (UP) ende vazhdon të vuajë nga një varg problemesh të ndryshme, si rezultat i të cilave kualiteti i studimeve në UP vazhdon të mbetet i pakënaqshëm. Për këtë arsye, BIRN-i ka vendosur që të bëjë një hulumtim, i cili ka një mostër përfaqësuese, gjithëpërfshirëse, dhe i cili trajton problemet praktike të studentëve. Të dhënat nga hulumtimi tregojnë se problemet më të mëdha në UP (nga këto që ka mbuluar ky hulumtim) janë mos implementimi i metodave bashkëkohore të mësimdhënies dhe të vlerësimit, mungesa e punës praktike, mungesa e literaturës adekuate të studimeve, vlerësimi jo objektiv i mësimdhënësve dhe raportet jo të mira student profesorë.
Problemet dhe të Metat e Teksteve Shkollore
Analizë e teksteve shkollore të Kosovës të ciklit të Shkollës së Mesme të Ulët (klasët VI, VII, VIII dhe IX). Roli dhe funksioni i teksteve shkollore në procesin e informimit, arsimimit dhe edukimit të nxënësve, vazhdon të jetë i pazëvendësueshëm dhe, rrjedhimisht, cilësia e teksteve shkollore ka një rëndësi të veçantë për të ardhmen dhe karrierën e nxënësve. Prandaj, duke u nisur nga kjo, BIRN-i ka vendosur që, përmes një studimi dhe analize të mirëfilltë e objektive, të nxjerrë në pah disa probleme dhe të meta të teksteve shkollore të ciklit të Shkollës së Mesme të Ulët.
Raporti i Monitorimit të Sistemit Arsimor
Report on monitoring the elementary and high schools in Prishtina: Mitrovica, Ferizaj, Peja and Gjilan
Analytical report of the situation and the problems in the University of Prishtina
Bleni DVD-të
Disa episoda të emisionit televiziv "Jeta në Kosovë" tani mund t'i keni edhe në DVD. DVD-të mund t'i bleni në librarinë "Dukagjini" që gjendet në qendër të Prishtinës.
Më shumë
Na shkruani me komentet, propozimet ose rekomandimet tuaja, në mënyrë tejet konfidenciale.
Postoni komentet tuaja
Shkruani komentet tuaja për debatet e BIRN-it. Në ueb-faqen e re, BIRN-i dëshiron që të marrë drejtpërdrejt opinionet e juaja, përmes seksionit të komenteve.
Më shumë
Balkan Investigative Reporting Network
Opinionet e shprehura në publikime janë të autorëve dhe nuk paraqesin medoemos opinionin e Rrjetit Ballkanik për Gazetari Hulumtuese, BIRN.
Komentet:
arsimtare
Emri: 2009-03-03 21:10:01,
Emisioni ka qene i shkelqyeshem dhe shume i rendesishem