RSS Feedrss
letters Na shkruani >>
Kërkoni
 

Jetë në Kosovë diskuton për situatat emergjente

Sonte, Jeta në Kosovë, transmeton debat për situatat emergjente në vendin tonë. Më shumë


Produksioni televiziv

countryicon Klikoni këtu për të shikuar edicionin e fundit të emisionit "Jeta në Kosovë"!
Më shumë

Ndrysho madhësinë e shkronjave
+ -

verzioni për printim

copyright

Katër reportazhet – EULEX, Korrupsioni, Gratë dhe Komunat

11 dhjetor 2008  Këtë javë emisioni “Jeta në Kosovë” shfaqi katër reportazhe prej fushave të ndryshme.

15 minutat e para ishin ndarë për intervistën e Krenar Gashit me shefin e EULEX-it, Iv De Kermabo.
Shefi i EULEX-it i tregoi se serbët dhe shqiptarët do ta kuptojnë se bashkëpunimi me misionin e BE-së është në të mirë të tyre, duke shtuar se nevojitet kohë për ndryshime.

“UNMIK-u ka pushuar së punuari në fushën e sundimit të ligjit, ndërsa EULEX-i fillon punën,” tha ai.

“UNMIK-u do të tërheqë policinë, gjykatësit, prokurorët, zyrtarët doganorë dhe ne do të sjellim ekspertë të mirë dhe njerëz të aftë prej 27 shteteve anëtare te BE-së,” shtoi De Kermabo, duke komentuar për paqartësitë e ngritura nga vendorët për marrëdhëniet mes UNMIK-ut dhe EULEX-it.

Përderisa zbarkimi i EULEX-it u përcoll me një protestë me 10,000 pjesëmarrës në Prishtinë, De Kermabo deklaroi se demonstratat e tilla ishin shenjë mirëseardhjeje të një demokracie të shëndoshë.

I pyetur se cila ishte strategjia e EULEX-it për strukturat paralele serbe në Kosovë, të cilat UNMIK-u i injoroi për nëntë vitet e fundit, De Kermabo theksoi se misioni i tij fillimisht ishte teknik dhe se nuk dëshironte të hynte në politikë për këtë problem.

“Nuk dua t’i hyj kësaj çështjeje që nuk më takon dhe për të cilën nuk mund të flas. Kisha pasur dëshirë të fokusohemi në aspektin teknik, sepse për mua kjo është më e rëndësishmja,” tha De Kermabo.

Duke biseduar për mundësinë e zgjatjes së misionit të EULEX-it në Kosovë, De Kermabo deklaroi se ky mision gjendet në Kosovë për të ndihmuar.

“Në momentin kur nuk i nevojitemi popullit më, kuptojmë se kemi arritur kapacitetin tonë të mjaftueshëm në sundimin e ligjit, drejtësi dhe polici, në momentin kur Kosova vendos t’i bashkohet BE-së dhe ne posedojmë pëlqimin për këto, ne do të shkojmë.” tha ai. “Sa më shpejtë, aq më mirë!”

Reportazhi i dytë, i përgatitur nga Betim Musliu, iu kushtua ditës ndërkombëtare kundër korrupsionit, që u shënua edhe në Kosovë. Musliu hulumtoi prezencën e korrupsionit në sistemin gjyqësor.

Pjesa e parë e reportazhit, që tregoi mungesën e përgjegjësisë në Këshillin Gjyqësor të Kosovës, u zbulua nga rasti në të cilin Ombudsperson i Kosovës kishte dërguar letër në adresë të Prokurorisë
Publike të Komunës së Prishtinës për t’u informuar për një akuzë kriminele.

Prokurori, Rexhep Maqedonci, e ktheu letrën duke kërkuar haptas nga Ombudspersoni që ta ndalonte dërgimin e letrave të shpeshta. Tomë Gashi, këshilltar ligjor i kryeministrit të Kosovës, Hashim Thaçi, e quajti skandal këtë rast.

“Jemi të njoftuar për rastin dhe po presim reagim të shpejtë nga Këshilli Gjyqësor i Kosovës,” tha Gashi.

U përmendën edhe rastet tjera që zbuluan paaftësinë e dukshme të sektorit ligjor, si ato të prokurorëve që e regjistrojnë një pronë të njëjtë në emër të dy personave.

15-minutëshi i tretë iu kushtua dokumentarit mbi Lobin Rajonal të Grave. I transmetuar në          60-vjetorin e deklaratës së të drejtave të njeriut, dokumentari tregoi se si lobi e kishte përkrahur pavarësinë e Kosovës në rajon.

Gjendja politike dhe ajo e sigurisë ishin temë diskutimi në mbledhjen e grave të përfshira në politikë dhe  shoqëri civile nga Bosnje dhe Hercegovina, Serbia, Kroacia, Mali i Zi dhe Kosova. “Kjo iniciativë nga lobi i grave është shumë e qëlluar.

Çka këto gra mund të bëjnë, është pothuajse e pazëvendësueshme,” tha Fatmir Sejdiu.

“Nëse gratë ishin bashkuar për të bërë diçka në të mirë të rajonit, atëherë meshkujve i mbetet të na përkrahin,” tha Justina Shiroka Pula, ministre për energji dhe miniera.

“Në negociatat në mes të Kosovës dhe Serbisë për statusin final të Kosovës nuk kishte asnjë femër në delegacion,” vuri re Igballe Rogova nga Rrjeti i Grave.

“Për këtë arsye, gratë panë se mund të kenë rol në vendimmarrje në shoqërinë civile.”

Pas emisionit “Jeta në Kosovë”, u transmetua debati “Jeta në Dragash”.


Emisioni "Jeta në Kosovë" është bashkëprodhim i Rrjetit Ballkanik të Gazetarisë Hulumtuese-BIRN, dhe televizionit publik të Kosovës- RTK. Emisioni transmetohet çdo të enjte, prej orës 20:20.

Komentet:

Nuk ka komente.

Your name:

Subject:

Comment:

Type in this code (used to prevent spam):