Jetë në Kosovë diskuton për situatat emergjente
Sonte, Jeta në Kosovë, transmeton debat për situatat emergjente në vendin tonë.
Më shumë
Klikoni këtu për të shikuar edicionin e fundit të emisionit "Jeta në Kosovë"!
Më shumë
Kosova: Një vit pas
12 shkurt 2009 Këtë herë “Jeta në Kosovë” debatoi mbi ato që Kosova arriti t’i kryej në vitin e parë të ekzistencës së saj si shtet.
Për t’i debatuar këto, paneli debatues përbëhej nga:
Hajredin Kuçi, zëvëndëskryeministër i Kosovës,
Xhavit Haliti, nga parlamenti i Kosovës,
Blerim Shala, nënkryetar i Aleancës për Ardhmërinë e Kosovës,
Teuta Sahatqia, kryetare e partisë reformiste ORA,
Albin Kurti, nga lëvizja Vetëvendosje
Reportazhi i përgatitur nga Jeta Abazi përmbante intervista me Ramush Haradinajn, kryetar i AAK-së, Agim Çekun, kryetar i Partisë Social Demokrate – PSD, Memli Krasniqin, zëdhënës i Qeverisë së Kosovës dhe Ilir Dedën nga instituti KIPRED.
Ata diskutuan vonesat në përzgjedhjen e kryetarëve të disa nga institucioneve kyçe si Ombudspersoni, Komisioni Qendror i Zgjedhjeve dhe Agjencioni për Inteligjencë, si dhe vonesat në formimin e Forcave të Sigursë së Kosovës.
Haradinaj, Çeku dhe Deda thanë se shtyrjet e këtyre përzgjedhjeve tregojnë se si qeveria dëshiron t’i imponojë kandidatët e saj në këto institucione.
Krasniqi e mohoi këtë, mirëpo, tha se qeverisë iu ka nevojitur kohë për t’i zgjedhur njerëzit e duhur, si dhe për të krijuar institucione të mirëfillta dhe të qëndrueshme.
Hajredin Kuçi tha se vonesat tregojnë për faktin se po formohej një shtet i ri.
“Institucionet nuk mund të ndërtoheneshin pa legjislacionin e duhur, që erdhi më 15 qershor, së bashku me kushtetutën e Kosovës,” u shpreh Kuçi. Në fund shtoi se të gjithë do të jenë të kënaqur me përzgjedhjet.
Duke iu kthyer të arriturave të Kosovës në përgjithësi, ai shtoi: “Kemi pasur zhvillime të mëdha gjatë vitit të parë, në të cilin Kosova mbajti marrëdhënie të shëndosha me partnerët e saj ndërkombëtarë.”
Në anën tjetër, Shala tha se procesi i njohjeve nuk kishte shkuar ashtu siç pritej.
Kosova nuk ka sigurar as anëtarësim në mekanizmat kyçë ndërkombëtarë, situata në veri mbetet e tensionuar dhe akoma nuk ka qartësi në lidhje me punën e institucioneve ndërkombëtare në Kosovë.
“Ngjarjet e 17 marsit, me gjithë trazirat e serbëve, do të mund të përdoreshin si një kthesë, por nuk u përdorën nga qeveria për ta rifituar kontrollën në veri,” tha Shala.
“Qeveria do të mund t’i kishte dërguar njerëzit e saj në veri për taparandaluar çfarëdo eskalimi të gjendjes, por ajo ishte e zënë me festime.”
Sipas Kurtit, gjatë këtij viti nuk ka pasur shtetformim. Ai tha se “ka pasur tendenca për lansimin e flamujve dhe simboleve, por nuk ka pasur ushtri – nuk ka shtet.”
Ndërsa, si përgjigje, Kuçi tha se Kosova nuk ka nevojë për forca të armatosura përderisa KFOR-i është prezent.
“Qeveria ishte dashur të kishte një reagim më të qëndrueshëm, për të siguruar kontrollin e saj në veri pas 17 shkurtit, kur Kosova e deklaroi pavarësinë,” tha Sahatqia.
Parlamenti i Kosovës ishte kritikuar për mosndërmarrjen e nismës për të debatuar çështjen e sigurisë. Mirëpo, Haliti u përgjigj duke thënë se “nuk kemi pasur asnjë kërkesë për ta debatuar sigurinë.”
Ai shtoi se “të gjithë e dijmë se MUP (Ministria e Punëve të Brendshme) është mjaft aktiv në veri... por ne nuk mund të bëjmë asgjë për këtë pasi që mandati i Forcave të Sigursë së Kosovës nuk e lejon kalimin e urës së Mitrovicës pa lejen e KFOR-it.”
Duke u kthyer të privatizimi, Kurti tha se qeveria ka ndjekur strategji të gabuar. “Qytetarët e Kosovës duhet të thirren në një referendum për të votuar nëse janë për privatizimin e KEK-ut, aeroportit dhë shërbimeve tjera publike,” tha ai.
Sahatqia tha se kërkesa e Kosovës për t’i kthyer 400 milion euro të privatizimit nuk duhet të kuptohet si prishje e marrëdhënieve me komunitetin ndërkombëtar. “Duhet të dijmë t’i mbrojmë interesat tona.”
Emisioni "Jeta në Kosovë" është bashkëprodhim i Rrjetit Ballkanik
të Gazetarisë Hulumtuese-BIRN, dhe televizionit publik të Kosovës- RTK.
Emisioni transmetohet çdo të enjte, prej orës 20:20.
PROCESI I EMËRIMIT DHE RIEMËRIMIT TË GJYKATËSVE DHE PROKURORËVE
Raporti për emërimin dhe riemërimin e gjykatësve dhe prokorurorëve analizon rrjedhën e këtij procesi duke u foksuar në anët pozitive dhe ato të errëta që kanë karakterizuar këtë proces deri në përmbyllje të tij.
RAPORTI I MONITORIMIT TE GJYKATAVE PRILL 2010 - SHKURT 2011
Raporti për monitorimin e gjykatave është nxjerrë në bazë të monitorimit të vazhdueshëm në të gjitha gjykatat komunale dhe të qarkut të Kosovës. Të gjeturat e këtij raporti bazohen në monitorimin e 2,147 seancave gjyqësore nga ana e monitoruesve të BIRN-it.
Procesi i emërimit/riemërimit të gjykatësve dhe prokurorëve
Procesi i emërimit/riemërimit të gjykatësve dhe prokurorëve
NDIQ GJURMËT NËPËR LETRA
UDHËZUES PËR GAZETARI hulumtuese të bazuar në dokumente në Kosovë-shkurt 2011
Raporti i Monitorimit të Gjykatave 2010
Një raport i detajuar analitik për punën dhe administrimin e gjykatave të Prishtinës, Pejës, Prizrenit, Gjilanit, Mitrovicës, Ferizajt, Gjakovës,Deçanit, Vushtrrisë, Podujevës, Lipjanit, Klinës dhe Istogut. Raporti përmban informata të rëndësishme të grumbulluara nga rrjeti i monitoruesve, të vendosur në komunat
kryesore të Kosovës dhe ka për synim identifikimin e problemeve dhe çështjeve kryesore me të cilat përballet
sistemi gjyqësor në Kosovë.
Raporti i monitorimit të gjykatave 2009
Monitorimi i punës dhe i administrimit të gjykatave në Prishtinë, Pejë, Mitrovicë, Gjilan, Ferizaj, Vushtrri dhe Skenderaj.
SISTEMI I ZGJEDHJES SË DREJTPËRDREJTË TË KRYETARIT NË QEVERISJEN LOKALE
Raporti Sistemi i Zgjedhjes së Drejtëpërdrejtë të Kryetarit në Qeverisjen Lokale synon të ofrojë një pasqyrë kritike për arsyeshmërinë dhe zbatueshmërinë e sistemit qeverisës komunal me Kryetarin e komunës si figurë qendrore ekzekutive, në vitin e tretë të zbatimit të tij. Shtyllat në të cilat është hulumtuar efikasiteti i këtij sistemi janë: raportet mes organeve të pushtetit lokal, llogaridhënia e ekzekutivit, respektimi i ligjit, lidhja e kryetarit me qytetarët, ofrimi i shërbimeve publike (furnizimi me ujë dhe menaxhimi i hedhurinave, investimet kapitale (në projekte shkollash e rrugësh), niveli i transparencës, konsultimet publike dhe vendimmarrja qytetare.
Gjendja dhe Problemet në Universitetin e Prishtinës
Raport analitik i hulumtimit mbi problemet dhe cilësinë e studimeve në Universitetin e Prishtinës. Po bëhen më shumë se dhjetë vite që nga përfundimi i luftës në Kosovë dhe Universiteti i Prishtinës (UP) ende vazhdon të vuajë nga një varg problemesh të ndryshme, si rezultat i të cilave kualiteti i studimeve në UP vazhdon të mbetet i pakënaqshëm. Për këtë arsye, BIRN-i ka vendosur që të bëjë një hulumtim, i cili ka një mostër përfaqësuese, gjithëpërfshirëse, dhe i cili trajton problemet praktike të studentëve. Të dhënat nga hulumtimi tregojnë se problemet më të mëdha në UP (nga këto që ka mbuluar ky hulumtim) janë mos implementimi i metodave bashkëkohore të mësimdhënies dhe të vlerësimit, mungesa e punës praktike, mungesa e literaturës adekuate të studimeve, vlerësimi jo objektiv i mësimdhënësve dhe raportet jo të mira student profesorë.
Problemet dhe të Metat e Teksteve Shkollore
Analizë e teksteve shkollore të Kosovës të ciklit të Shkollës së Mesme të Ulët (klasët VI, VII, VIII dhe IX). Roli dhe funksioni i teksteve shkollore në procesin e informimit, arsimimit dhe edukimit të nxënësve, vazhdon të jetë i pazëvendësueshëm dhe, rrjedhimisht, cilësia e teksteve shkollore ka një rëndësi të veçantë për të ardhmen dhe karrierën e nxënësve. Prandaj, duke u nisur nga kjo, BIRN-i ka vendosur që, përmes një studimi dhe analize të mirëfilltë e objektive, të nxjerrë në pah disa probleme dhe të meta të teksteve shkollore të ciklit të Shkollës së Mesme të Ulët.
Raporti i Monitorimit të Sistemit Arsimor
Report on monitoring the elementary and high schools in Prishtina: Mitrovica, Ferizaj, Peja and Gjilan
Analytical report of the situation and the problems in the University of Prishtina
Bleni DVD-të
Disa episoda të emisionit televiziv "Jeta në Kosovë" tani mund t'i keni edhe në DVD. DVD-të mund t'i bleni në librarinë "Dukagjini" që gjendet në qendër të Prishtinës.
Më shumë
Na shkruani me komentet, propozimet ose rekomandimet tuaja, në mënyrë tejet konfidenciale.
Postoni komentet tuaja
Shkruani komentet tuaja për debatet e BIRN-it. Në ueb-faqen e re, BIRN-i dëshiron që të marrë drejtpërdrejt opinionet e juaja, përmes seksionit të komenteve.
Më shumë
Balkan Investigative Reporting Network
Opinionet e shprehura në publikime janë të autorëve dhe nuk paraqesin medoemos opinionin e Rrjetit Ballkanik për Gazetari Hulumtuese, BIRN.
Komentet:
Nuk ka komente.