Ndrysho madhësinë e shkronjave

verzioni për printim

copyright

“Jeta në Kosovë” debaton për 100 ditët e Qeverisë Thaçi

17 prill 2008  Diskutimet janë sjellë rreth mungesës së programit qeverisës në këto 100 ditë të para dhe rreth dështimeve dhe sukseseve të qeverisë gjatë kësaj kohe.

Çfarë ka bërë qeveria në fushën e ekonomisë, energjisë, arsimit, shëndetësisë, drejtësisë, transportit dhe të tjera?

Të ftuar në studio për të diskutuar këto dhe çështje tjera në lidhje me to ishin:

Nga qeveria:

Enver Hoxhaj- Ministër i Arsimit; Shkencës dhe Teknologjisë
Alush Gashi- Ministër i Shëndetësisë
Fatmir Limaj – Ministër i Transportit dhe Telekomunikacionit

Nga opozita:

Ardian Gjini –Aleanca për Ardhmërinë e Kosovës, AAK
Besa Gaxherri – Lidhja Demokratike e Dardanisë, LDD
Ibrahim Makolli- Aleanca Kosova e Re, AKR

Emisioni “Jeta në Kosovë” ka reflektuar 100 ditët e para të qeverisë së Thaçit. Vetëm pas kësaj periudhe, qeveria e ka paraqitur programin e saj, të cilin opozita e ka kritikuar si program josubstancial dhe të përgjithshëm.

Një reportazh i përgatitur nga redaktori i BIRN-it për Kosovë, Krenar Gashi ka paraqitur segmentin e programit të qeverisë.



Raporti është fokusuar në mungesën e përgjithshme të të kuptuarit e programit të qeverisë. Disa deputetë të kuvendit të Kosovës thonë se ata nuk e dinë ende se çfarë përmban programi. Në anën tjetër, administrata e UNMIK-ut duket se edhe disa muaj do të qëndrojë në Kosovë. EULEX, nga ana tjetër, thotë se do të fokusohet në dhënien e këshillave në Kosovë.

Pas reportazhit, Fatmir Limaj ka filluar debatin. Ai ka potencuar se brenda 100 ditëve, qytetarët e Kosovës nuk do të prisnin mrekulli.

“Këto premtime janë paraparë të përmbushen brenda mandatit katërvjeçar,” ka thënë Limaj.

Hoxhaj ka thënë se Ministria e Arsimit tashmë ka filluar t’i përmbushë premtimet, duke thënë se janë flokuar 8 milionë € për rritje të pagave të mësimdhënësve.

“Kjo nuk do të thotë se disave do t’u zvogëlohen pagat,” ka thënë Hoxhaj.

Ai ka thënë se për të arritur këtë do të viheshin taksa shtesë në duhan dhe alkool.

Hoxhaj ka thënë po ashtu se nga fundi i këtij muaji të gjitha shkollat do të pajisen me kompjuterë.

Gaxherri është pajtuar që në fushën e arsimit është bërë më së shumti.

“Unë do ta përgëzoja Ministrinë e Arsimit që me përnjëmend i është përveshur punës” ka thënë ajo.

Megjithatë, kolegu i saj, Makolli ka thënë se “arsimi nuk mund të përmirësohet duke ndërtuar shkolla”

Hoxhaj është përgjigjur se “për të përmirësuar arsimin, nevojiten më shumë hapësira mësimore”.

Gashi ka thënë se Ministria e Arsimit do të bëjë përmirësime thelbësore brenda këtij viti.

“Pa dyshim, që çështja e pensioneve do të shqyrtohet më mirë se sa sot,” ka thënë dhe ka shtuar se “edhe pajisja me barna do të përmirësohet këtë vit”.

Gjini, nga opozita, e ka karakterizuar gjendjen e energjisë në vend si “fyerje për qytetarin”.

Limaj nuk është pajtuar. “Politika e qeverisë nuk është t’i jepen para KEK-ut në mënyrë të pakontrolluar” ka thënë ai. “Askush s’do të besonte që ne brenda tre muajve do të mundësonim 24 orë rrymë.”

Gaxherri është pajtuar duke thënë se nuk do të ishte reale që të priten ndryshime aq të mëdha brenda një kohe të tillë.

“…mirëpo ajo çfarë qeveria mund të bëjë është ta analizojë gjendjen dhe të na tregojë se cila është gjendja në KEK,” ka shtuar Gaxherri, dhe ka thënë se qeveria pat “shpallur krizën energjetike në krizë nacionale, atëherë pse nuk e analizojnë dhe të na tregojnë se pse është ajo krizë?”

“Në programin qeverisës, nuk ka asgjë konkrete në fushën e energjisë,” ka shtuar ajo.

Gjatë debatit, BIRN ka transmetuar katër reportazhe televizive nga terreni, të cilat kanë reflektuar pastaj temat në studio.

Dy reportazhe nga gazetarja e BIRN-it, Jeta Abazi janë paraqitur .

I pari ka pasur të bëjë me premtimet e dhëna gjatë fushatës zgjedhore rreth fushës së arsimit. Studentët e Kosovës vazhdojnë të ballafaqohen me probleme, si për shembull, kur bie rasti i teknologjisë informative, studentëve shpesh u duhet të përdorin internet kafetë.

Raporti i dytë i Abazit ka pasur të bëjë me Sarkofagun, një vend kulturor në qytetin antik të Ulpianës. Për sarkofagu i cili tani është dëmtuar dhe thyer tri herë, Ministria e Kulturës në anën tjetër nuk ka bërë asgjë rreth tij.

Është paraqitur edhe reportazhi i tretë i përgatitur nga menaxherja e ekipit monitorues të BIRN-it, Fatmire Tërdevci.

Raporti i sajë është fokusuar në atë se si pas 100 ditëve, qeveria ende nuk e ka një zëdhënës, ndërsa zyrtarët qeveritarë janë të zënë me disa detyra dhe nuk kanë kohë të merren me publikun.

Në fund është shfaqur edhe reportazhi i katërt dhe i fundit, nga gazetari i BIRN-it, Betim Musliu.

Raporti është fokusuar në sistemin e drejtësisë. Pas 100 ditëve, sistemi i drejtësisë nuk ka sjellë ndonjë rezultat. Shumë raste kanë mbetur në rafte pa u shqyrtuar, dhe gjithashtu qytetarët ankohen se sistemi ka lidhje me korrupsionin

Por, të dy partnerët qeverisës kanë premtuar se do ta themelojnë një sistem të qëndrueshëm gjyqësor dhe të integruar në tërë territorin e Kosovës. Mirëpo, kjo e fundit mbetet deri sa EULEX-i ta marrë përsipër rolin e tij në Kosovë.

Deri sa opozitarët kanë akuzuar qeverinë se ajo po ndërhynë në punët e gjyqësorit, Limaj ka thënë se “nuk është ndërhyrje nëse ne e pranojmë se ka korrupsion dhe u bëjmë thirrje organeve të hetojnë rastet.”
Për çështjen e transparencës së qeverisë, Gjini ka pohuar se “shumë gazetarë janë frikësuar që të mos kërkojnë të kenë qasje në kumtesat apo shpalljet e qeverisë.”

Gashi nuk është pajtuar duke thënë se transparenca dhe lufta ndaj korrupsionit janë prioritetet kryesore të qeverisë.

“Mbledhjet tona të qeverisë janë gjithnjë të hapura për publikun” ka thënë ai “dhe sa herë që bëjmë ndonjë vizitë diku apo bëjmë hapjen e ndonjë tenderi, ne i ftojmë mediat dhe qytetarët të marrin pjesë.”

Gjini gjithashtu e ka kritikuar qeverinë për shpenzime të paarsyeshme. Ai është ankuar se “zhvendosja në objekte të reja do të thotë ndërtimi i objekteve të reja.”

Gashi ka thënë se Ministria e Shërbimeve Publike e ka një plan të detajuar rreth kësaj çështjeje. “Ndërtimi i këtyre objekteve do të kryhet deri në fund të këtij viti,” ka thënë ai.

Ministrat pastaj akuzuan opozitën që ata në kohën e tyre i kishin zhvendosur ministritë në shtëpi private.

“Nuk mund t’i largojmë njerëzit nga këto objekte brenda tre muajve tash,” ka thënë Limaj “sepse është qeveria juaj ajo e cila i ka transferuar ministritë në ato objekte private.”

Në përgjithësi, qeveria është lavdëruar se ka qenë e dinjitetshme dhe serioze, mirëpo opozita është ankuar se ai program i qeverisë përmban vetëm “fjalë boshe”.

“Atë çfarë ju nuk e keni arritur për pesë vite, ne po e bëjmë tani,” ka thënë Limaj si përgjigje ndaj kritikave të opozitës.

Përfaqësuesit e opozitës kanë pranuar se do të ishte joreale të priteshin mrekulli brenda tre muajve, mirëpo janë ankuar se asgjë nuk ka ndryshuar nga vitet e kaluara, përpos disa ndryshimeve në fushën e arsimit.

Emisionin mund ta shikoni në linkun vijues:
“Jeta në Kosovë” debaton për 100 ditët e Qeverisë Thaçi

“Jeta në Kosovë” është bashkëprodhim i Rrjetit Ballkanik të Gazetarisë Hulumtuese – BIRN - dhe televizionit publik të Kosovës - RTK-së. Emisioni transmetohet çdo të enjte duke filluar nga ora 20:15.