Ndrysho madhësinë e shkronjave

verzioni për printim

copyright

Artikujt tjerë:

NDIQ GJURMËT NËPËR LETRA

Thirrje për aplikim në trajnim në media për komunitetin RAE

Raporti i Monitorimit të Gjykatave

Buletini "Drejtesia ne Kosove" ofron informata te rendesishme per sistemin e Drejtesise ne Kosove.

BIRN mban tryeza të rrumbullakëta për problemet në sistemin gjyqësor

Instituti GAP dhe BIRN prezentojnë "Letrat e hapura për Kryetarët e Komunave të Kosovës"

Thirrje për aplikim për pjesëmarrje në rundin e parë të Programit të BIRN-it për Bashkëpunim Kulturor në Ballkan

Marrëveshja e koalicionit dëmton demokracinë në Kosovë

Kosova, parajsë e kontrabandës së armëve

Shqiptarët e Kosovës shikojnë përtej afatit të dhjetorit

Grupi i armatosur shqiptar kthehet në skenë

Kosova mes drejtësisë dhe krimit të organizuar

Rasti Kurti: kokëçarje ligjore për OKB-në

Kosova - rreth e rrotull!

Hulumtim: Masakra në fshatin Husaj ende brenë Malin e Zi

Rritja e numrit të vetëvrasjeve alarmon Kosovën

Identiteti kombëtar, sfidë e re për Kosovën

Shqiptarët e Kosovës të brengosur për veton ruse

BE-ja e përçarë shtyn debatin mbi Kosovën

Serbët e Kosovës e presin me ftohtësi krijimin e Gardës së Car Llazarit

Ambasadat e ardhshme të Kosovës do të ballafaqohen me mungesë të fondeve

Kosova vonon krijimin e qeverisë në Serbi

KOMENT: Sfidat kosovare pas 120 ditëve të para

Serbët e shqiptarët garojnë për ta bindur misionin e Këshillit të Sigurimit

Serbia po planifikon ndarjen e Kosovës

Kthimi në kampet e turpit

Fillojnë të shtënat e para në betejën diplomatike për Kosovën

Special Package: South Serbia Shqiptarët dhe serbët nuk pajtohen rreth planit për Kosovën

Special Package: South Serbia Shumë femra ballafaqohen me martesa të aranzhuara

Radikalët e Kosovës nuk gjejnë mbështetje në Maqedoni

HULUMTIM: Policët rumunë fajësohen për gjakderdhje në protestë

Koment: Regjimi i KB-së në Kosovë zbulon fytyrën e tij të vërtetë

Protesta kundër planit të OKB-së për Kosovën përfundon me dhunë

BE-ja i ofron Serbisë më shumë kohë rreth Kosovës

Intervistë me Torbjorn Sohlstrom

Kosovo Final Status Intervistë: Misioni i BE-së “do ta udhëheqë Kosovën në Evropë”

Special package: Kosovo Final Status Zbulohen pikat kryesore të planit të Ahtisarit

Special package: Kosovo Final Status Shqipëria lobon për pavarësi të Kosovës

Special package: Kosovo Final Status Maqedonia shpreson në përfundimin e dramës së Kosovës

Special package: Kosovo Final Status Pavarësia vështirëson marrëveshjen për qeveri të re

Special package: Kosovo Final Status Shqiptarët po përgatitin një aprovim të ngurrtë të planit të OKB-së

Kosova e brengosur për vendimet rreth statusit përfundimtar

Special package: Kosovo Final Status Serbët e Mitrovicës druajnë nga mundësia e shpërthimit të trazirave

Qeveria e Kosovës rrezikohet nga përçarjet në LDK

HULUMTIM: Ish-policët udhëheqin dallaveret me pasaporta

Holbruku: Bushit i ka ikur treni për Kosovë

Grupi i Kontaktit vonon planin për Kosovën

Diplomatët planifikojnë mision për pavarësi të Kosovës

KOSOVË: SHQIPTARËT BRENGOSEN RRETH STATUSIT PËRFUNDIMTAR

RAPORTI I KOSOVËS ZBULON JETEN LUKSOZE TË ZYRTARËVE

Special package: Kosovo Final Status

Serbët e Mitrovicës druajnë nga mundësia e shpërthimit të trazirave

31 janar 2007   Derisa disa parashikojnë shpërthime të konfliktit në rast të pavarësisë së Kosovës, pak serbë dëshirojnë ndarje territoriale.

Nga Igor Miliq në Mitrovicën veriore

Liderët serbë të Kosovës parashikojnë shpërthim të trazirave në pjesën veriore të vendit me shumicë serbe, nëse Kosova fiton pavarësinë.

Paralajmërimet u shfaqën pak para se i dërguari i posaçëm i KB-së, diplomati finlandez Marti Ahtisari, të vizitojë Beogradin dhe Prishtinën me 2 shkurt, me qëllim të prezantimit të propozimit t[ statusit përfundimtar të Kosovës.

Sipas raporteve jozyrtare, dokumenti i tij nuk përmendë as fjalën pavarësi dhe as sovranitetin e Serbisë.

Por shumë serbë druajnë se përkundër manovrimeve terminologjike, propozimi do të jetë një lloj pavarësije për provincën.

Ata pohojnë se nëse propozimi i Ahtisarit përgatitë rrugën drejtë pavarësisë, nëpërmjet një rezolute të Këshillit të Sigurimit të KB-së, ose nëpërmjet shpalljes unilaterale të pavarësisë nga Prishtina, veriu i Kosovës do të ballafaqohet me trazira.

Në Vjenë filluan negociatat rreth statusit të Kosovës në janarin e kaluar. Ato kryesisht u përqendruan në krijimin e komunave të reja me shumicë serbe, decentralizim, dhe në mbrojtjen e traditës kulturore dhe shpirtërore serbe, si dhe ndarjen e komunës së Mitrovicës, në ate serbe dhe shqiptare.

Shqiptarët dhe serbët e Kosovës kanë shpresa të mëdha në propozimin e Ahtisarit, i cili do të prezantohet me 2 shkurt. Burimet thonë se derisa plani nuk përmend fjalën pavarësi, fakt i cili do t’i zemërojë shqiptarët, Beogradi do ta humbë sovranitetin mbi provincën, dhe kjo do t’i zemërojë serbët.

Kosova do ta ketë kushtetutën dhe simbolet e saja: flamurin dhe himnin. Çështja e ndarjes së Mitrovicës do të zgjidhet me krijimin e dy komunave të veçanta, ashtu sikurse kanë kërkuar serbët e Kosovës. Bashkëpunimi në mes të Mitrovicës jugore dhe veriore do të sigurohet nga një bord i përbashkët.

Mbi çështjet kulturore dhe religjioze, i dërguari i KB-së do t’i ofrojë komunave të tjera serbe kompenteca të posaçme. Shqipja dhe serbishtja do të jenë gjuhë zyrtare në tërë Kosovën.

Por edhe pa përmendjen e fjalës “pavarësi”, liderët serbë pritet të reagojnë ashpër ndaj çfarëdo skenari qoftë, skenar i cili konfirmon ndarjen permanente të Kosovës nga Beogradi.

Presidenti i Listës për Kosovë dhe Metohi, Oliver Ivanoviq, tha se veriu i banuar nga serbët mund të vendosë të shkëputet nga Kosova dhe t’i bashkangjitet Serbisë.

“Ekziston mundësia që Kosova veriore të shkëputet pas një vendimi të pafavorshëm [mbi statusin përfundimtar]” tha Ivanoviq për Ballkan Insajt, duke shtuar se është kundër këtij opsioni.

Nebojsha Joviq, zëvendës president i Këshillit Kombëtar Serb në Kosovën Veriore, gjithashtu tha se shkëputja është një ndër opsionet e mundshme. “Ndërprerja e marrëdhënieve në mes të Kosovës veriore dhe pjesës tjetër të Kosovës është një mundësi,” tha Joviq për Ballkan Insajtin.

“Nëse Kosova shpallet e pavarur, këtu do të ketë protesta masive,” tha një burim nga Mitrovica veriore. “Këtu askush nuk dëshiron ta konsiderojë Prishtinën si kryeqytet të vendit të tyre.”

“Mijëra njerëz do të protestojnë dhe vendosin barikada, duke penguar lëvizjen e veturave të policisë ndërkombëtare dhe vendore si dhe të administratës civile.”

Bane Krstiq, gazetar nga Mitrovica veriore, pajtohet me këtë mendim. “Serbët kurrë nuk do ta pranojnë Kosovën e pavarur, pavarësisht nga fakti se ata mund të fitojnë një lloj vetëqeverisje nëpërmjet një rezolute të KB-së, apo nëpërmjet marrëveshjeve bilaterale,” tha ai.

Krstiq theksoi se qeveria serbe e Vojsillav Koshtunicës, vazhdimisht ka siguruar qytetarët vendorë se pavarësia e Kosovës nuk është e pranueshme.

“Njerëzit këtu lexojnë gazetat nga Beogradi ku mesazhi është se Kosova do të mbetet pjesë e Serbisë,” shtoi Krstiq, duke theksuar se frustrimi i popullatës vendore do të jetë shumë i lartë, nëse realiteti del ndryshe.

Përpos rrezikut nga përplasja e armatosur me shqiptarët e Kosovës, politikanët vendorë serbë pranojnë se çmimi i shkëputjes do të jetë i lartë. Nga shkëputja mund të përfiton pjesa veriore e Kosovës me 40,000 banorë serbë, mirëpo kjo do të rrezikojë ardhmërinë e 80,000 serbëve që jetojnë në enklava, në jug të lumit Ibër.

Ivanoviq tha se shkëputja e veriut do të vulosë fatin e serbëve në jug, të cilët mund të deportohen apo të përballen me një jetesë të skajshme.

“Kosova veriore nuk është aq e rëndësishme, kur merret parasysh fakti se dy të tretat e popullatës serbe jeton në jug të Kosovës,” tha Ivanoviq, duke cekur se shumica e pasurive kulturore apo ekonomike serbe gjenden në jug.

Gjithashtu, Ivanoviq vazhdoi, koncentrimi i ekstremistëve shqiptarë dhe serbë përgjatë lumit Ibër, mund të rezultojë me një konflikt të armatosur.

Goran Bodganoviq, kryetar i Partisë Demokratike në Kosovë dhe anëtar i ekipit negociues të Serbisë në rajon, u pajtua me mendimin se ndarja territoriale në Kosovë mund t’i rrezikojë interesat e serbëve.

“Ndarja e Kosovës është e papranueshme për ne,” tha Bogdanoviq, duke shtuar se kjo nuk do të jetë praktike, pa pajtimin e bashkësisë ndërkombëtare. “Serbët që jetojnë në jug të Kosovës do të humbin gjithçka, derisa serbët në veri, nuk do të fitojnë shumë.”

“Megjithatë, kjo është Kosova dhe këtu është gjithçka e mundshme”, shtoi Bogdanoviq.

Derisa nacionalistët ekstrem, si Lubomir Kragoviq, president i Partisë Radikale Serbe në Kosovë, pohojnë se serbët duhet të premtojnë që ta kthejnë Kosovën, nëse bashkësia ndërkombëtare lejon formimin e shtetit të ri, disa analistët vendorë serbë pranojnë se propozimi i Ahtisarit vetëm se do ta konfirmojë realitetin e tanishëm.

“Situata në terren tregon se në shtatë vitet e fundit, Serbia nuk ka pasur sovranitet mbi Kosovën”, tha Krstiq, duke shtuar se që atëherë janë ndërmarrë shumë masa për ta minimizuar autoritetin e serbisë në Kosovë.

Në ndërkohë, banorët në Mitrovicën lindore jetojnë nga dita në ditë, duke tentuar që të mos mendojnë shumë për brengat e tyre rreth ardhmërisë.

“Unë kam frikë nga shqiptarët, prandaj nuk do të ndihem e sigurtë të jetoj në një Kosovë të shqiptarëve,” tha banorja nga Mitrovica lindore, Zhivana Kompiroviq.

Ajo nuk do ta pranojë pavarësinë e Kosovës, por gjithashtu nuk do të largohet. “Unë nuk jam larguar, kur situata ishte shumë më e vështire, prandaj sigurisht se nuk do të largohem tani, përpos nëse me largojnë me pushkë,” tha ajo.

Por të tjerët janë munduar të gjejnë shpëtim duke blerë shtëpi dhe banesa në Serbi. Zoran Mihajoviq, gjithashtu nga Mitrovica veriore, tha se çështja e Kosovës është e kryer dhe serbët nuk do të kenë vend në këtë shtet të ri.

“Sikur të ecësh mbi xhama të thyer – ashtu unë ndihem kur flitet për Kosovën e pavarur,” tha ai për Ballkan Insajt, duke shtuar se para ca kohësh, ka blerë një banesë në Beograd. Shumë shpejtë do të largohem përgjithmonë nga Kosova, shtoi ai.

Igor Miliq është bashkëpunëtor i BIRN nga Mitrovica Veriore. Ballkan Insajt është publikim i BIRN në internet.