Ndrysho madhësinë e shkronjave

verzioni për printim

copyright

Artikujt tjerë:

NDIQ GJURMËT NËPËR LETRA

Thirrje për aplikim në trajnim në media për komunitetin RAE

Raporti i Monitorimit të Gjykatave

Buletini "Drejtesia ne Kosove" ofron informata te rendesishme per sistemin e Drejtesise ne Kosove.

BIRN mban tryeza të rrumbullakëta për problemet në sistemin gjyqësor

Instituti GAP dhe BIRN prezentojnë "Letrat e hapura për Kryetarët e Komunave të Kosovës"

Thirrje për aplikim për pjesëmarrje në rundin e parë të Programit të BIRN-it për Bashkëpunim Kulturor në Ballkan

Marrëveshja e koalicionit dëmton demokracinë në Kosovë

Kosova, parajsë e kontrabandës së armëve

Shqiptarët e Kosovës shikojnë përtej afatit të dhjetorit

Grupi i armatosur shqiptar kthehet në skenë

Kosova mes drejtësisë dhe krimit të organizuar

Rasti Kurti: kokëçarje ligjore për OKB-në

Kosova - rreth e rrotull!

Hulumtim: Masakra në fshatin Husaj ende brenë Malin e Zi

Rritja e numrit të vetëvrasjeve alarmon Kosovën

Identiteti kombëtar, sfidë e re për Kosovën

Shqiptarët e Kosovës të brengosur për veton ruse

BE-ja e përçarë shtyn debatin mbi Kosovën

Serbët e Kosovës e presin me ftohtësi krijimin e Gardës së Car Llazarit

Ambasadat e ardhshme të Kosovës do të ballafaqohen me mungesë të fondeve

Kosova vonon krijimin e qeverisë në Serbi

KOMENT: Sfidat kosovare pas 120 ditëve të para

Serbët e shqiptarët garojnë për ta bindur misionin e Këshillit të Sigurimit

Serbia po planifikon ndarjen e Kosovës

Kthimi në kampet e turpit

Fillojnë të shtënat e para në betejën diplomatike për Kosovën

Special Package: South Serbia Shqiptarët dhe serbët nuk pajtohen rreth planit për Kosovën

Special Package: South Serbia Shumë femra ballafaqohen me martesa të aranzhuara

Radikalët e Kosovës nuk gjejnë mbështetje në Maqedoni

HULUMTIM: Policët rumunë fajësohen për gjakderdhje në protestë

Koment: Regjimi i KB-së në Kosovë zbulon fytyrën e tij të vërtetë

Protesta kundër planit të OKB-së për Kosovën përfundon me dhunë

BE-ja i ofron Serbisë më shumë kohë rreth Kosovës

Intervistë me Torbjorn Sohlstrom

Kosovo Final Status Intervistë: Misioni i BE-së “do ta udhëheqë Kosovën në Evropë”

Special package: Kosovo Final Status Zbulohen pikat kryesore të planit të Ahtisarit

Special package: Kosovo Final Status Shqipëria lobon për pavarësi të Kosovës

Special package: Kosovo Final Status Maqedonia shpreson në përfundimin e dramës së Kosovës

Special package: Kosovo Final Status Pavarësia vështirëson marrëveshjen për qeveri të re

Special package: Kosovo Final Status Shqiptarët po përgatitin një aprovim të ngurrtë të planit të OKB-së

Kosova e brengosur për vendimet rreth statusit përfundimtar

Special package: Kosovo Final Status Serbët e Mitrovicës druajnë nga mundësia e shpërthimit të trazirave

Qeveria e Kosovës rrezikohet nga përçarjet në LDK

HULUMTIM: Ish-policët udhëheqin dallaveret me pasaporta

Holbruku: Bushit i ka ikur treni për Kosovë

Grupi i Kontaktit vonon planin për Kosovën

Diplomatët planifikojnë mision për pavarësi të Kosovës

KOSOVË: SHQIPTARËT BRENGOSEN RRETH STATUSIT PËRFUNDIMTAR

RAPORTI I KOSOVËS ZBULON JETEN LUKSOZE TË ZYRTARËVE

Special package: Kosovo Final Status

Shqiptarët po përgatitin një aprovim të ngurrtë të planit të OKB-së

01 shkurt 2007   Përderisa politikanët shprehin pajtimet e tyre me kornizën e propozimit për statusin, forcat më radikale paralajmërojnë protesta

Nga Krenar Gashi në Prishtinë

Përderisa liderët politik të Kosovës po përgatiten ta pranojnë pakon e OKB-së për statusin përfundimtar, mbetet e paqartë nëse oferta e cila nuk ofron pavarësi të plotë do të nxitë trazira.

I dërguari special i OKB-së, Marti Ahtisari, do ta prezantojë pakon në Prishtinë dhe Beograd me 2 shkurt.

Liderët politikë pritet t’i aprovojnë rekomandimet kryesore të pakos, derisa grupet radikale tashmë kanë paralajmëruar protesta duke pohuar se Kosova po shkon drejt një statusquo-je të padëshirueshme dhe se po detyrohet ta pranojë planin e padëshiruar të decentralizimit.

Negociatat lidhur me statusin përfundimtar të Kosovës filluan në Vjenë në janar të vitit 2006. Përmes ndërmjetësimit ndërkombëtar, ekipet negociuese të Kosovës dhe Serbisë tentuan të zgjidhin çështjet më pak problematike si decentralizimi dhe mbrojtja e trashëgimisë kulturore. Por pasi palët nuk arritën deri te një pajtim, Ahtisari mori detyrën për të përpiluar propozimin e tij për status përfundimtar.

Burimet e BIRN-it pohojnë se propozimi i Ahtisarit ofron pavarësi de fakto për Kosovën, ani pse kjo fjalë nuk përmendet në mënyrë specifike në këtë dokument. Pakoja rekomandon që administrata e tanishme e OKB-së të ndërrohet me një mision mbikëqyrës të BE-së me kompetenca më të pakta.

Liderët kosovarë sipas të gjitha gjasave do ta pranojnë pakon me bindjen se ajo de fakto ofron pavarësi, pavarësisht terminologjisë së përdorur nga i dërguari special.

“Ne presim që propozimi i Ahtisarit të përmbajë elemente kryesore për krijimin e shtetit të Kosovës,” deklaroi javën e kaluar Presidenti i Kosovës, Fatmir Sejdiu.

Hashim Thaci, udhëheqës i partisë opozitare, Partia Demokratike e Kosovës, PDK, u pajtua me këtë qëndrim. “Propozimi i Ahtisarit ofron një pavarësi të plotë për Kosovën, pasi lejon që Kosova të aplikojë [për anëtarësi] në organizatat ndërkombëtare si OKB-ja,” tha ai për Ballkan Insajt.

Por grupet radikale nuk pajtohen me elitën politike, duke shprehur pakënaqësinë e thellë me planin e decentralizimit i cili do t’i ofrojë enklavave serbe shumë më shumë kompetenca.

Ata gjithashtu theksuan faktin se disa fshatra shqiptare do të bëhen pjesë e komunave të reja serbe.

“Decentralizimi do të thotë ndarje dhe ndarja do të thotë luftë,” është një nga sloganet e lëvizjes “Vetëvendosja” të Albin Kurtit, ish lider i studentëve. Kjo lëvizje ka paralajmëruar një protestë masive me 10 shkurt në Prishtinë kundër propozimit të Ahtisarit.

“Ne planifikojmë ta ndalojmë zbatimin e planit të decentralizimit,” tha Glauk Konjufca, aktivist i Vetëvendosjes. “Ne jemi duke punuar vazhdimisht me popullatën e rajoneve të ndikuara nga decentralizimi dhe numri i mbështetësve tanë vetëm po rritet,” shtoi ai. “Ne do të protestojmë tani pasi të propozohet ky plan dhe do të veprojmë më vonë për ta ndaluar zbatimin e tij.”

Përfaqësuesit e Shoqatave të dalura nga lufta gjithashtu kanë shprehur brengat rreth propozimit të OKB-së dhe kanë deklaruar se nuk do të pranojë asgjë përpos pavarësisë për Kosovën.

Faik Fazliu, udheqës i asociacionit, me 28 janar tha se nëse propozimi i OKB-së nuk ofron pavarësi për Kosovën, “asnjë formë e reagimeve nga qytetarët” nuk mund të përjashtohet.

Naim Rashiti, nga Grupi Ndërkombëtar i Krizave, ICG, në Prishtinë, druan se protestat e planifikuara mund të përfundojnë me dhunë, pasi njerëzit nuk janë mirë të informuar rreth procesit negociues dhe mund të kenë shpresa jo reale.

Ai shtoi se tensioni gjithashtu mund të shpërthejë nëse serbët në Kosovën veriore shpallin autonominë apo pavarësinë e tyre nga Kosova.

“Në atë rast sipas të gjitha gjasave do të ketë trazira,” parashikoi Rashiti. “Strategjia e zbutjes së konfliktit duhet të përqendrohet në qytetin e ndarë të Mitrovicës,” shtoi ai.

Lulzim Peci, analist i sigurisë, tha se politikanët kanë dështuar t’i adresojnë brengat e qytetarëve ndaj decentralizimit dhe propozimit të Ahtisarit në përgjithësi.

“Ata janë duke i ikur përgjegjësive të tyre duke mos mbajtur një dialog të mirëfilltë me qytetarë, dhe kjo do t’i kontribuoj krizës,” tha ai.

“Marketingu i hutuar politik i udhëheqësisë politike kosovare nuk mund ta zëvendësojë dialogun me autoritetet komunale dhe me qytetarët që do të ndikohen drejtpërdrejtë nga decentralizimi,” shtoi Peci.

Ai po ashtu tha se autoritetet vendore dhe ndërkombëtare në Kosovë kanë krijuar një strategji të mirëfilltë për menaxhim të krizës.

Peci tha se dhuna mund të shpërthejë nëse propozimi i ndërmjetësuesit të OKB-së dërgohet në Këshill të Sigurimit, ku mund të ndodhin ndryshime të tjera që mund të shkojnë në dëm të njërës apo tjetrës palë, apo kur Kosova ta shpallë pavarësinë, me ç‘rast problemet sigurisht se do të vijnë nga pakica serbe.

Megjithatë, këta janë skenarë më pesimistë. Hashim Thaçi, dikur përfaqësues politik i UCK-së, insiston se nuk ka nevojë për protesta.

Veton Elshani, nga Shërbimi Policor i Kosovës, gjithashtu tha se ai nuk pretë trazira gjatë javëve të ardhshme. “Në rast të incidenteve ne jemi të gatshëm të reagojmë shpejtë por ne nuk shohim nevojë për përforcime të posaçme,” tha Elshani.

Deri më tani procesi negociues nuk ka qenë fare transparent, dhe shumica e qytetarëve mbeten të hutuar dhe nuk dinë se çka të presin nga OKB-ja.

“Ne kurrë nuk jemi informuar si duhet sa i përket negociatave, prandaj ne nuk kemi ide se çka përmban pakoja e Ahtisarit, apo se si duhet të reagojmë ndaj propozimit të tij,” tha Agroni, një student nga Prishtina.

Agroni tha se shumica e njerëzve nuk shohin arsye për më shumë trazira. “Ne kemi heqë dorë nga dhuna dhe njerëzit dëshirojnë paqe,” tha ai.

Megjitahtë, një i ri nga Mitrovica tha se ai do ta kundërshtojë çdo zgjidhje që nuk do ta lejojë atë të kthehet në shtëpinë e tij në pjesën veriore të qytetit të kontrolluar nga serbët. “Ne duhet të ngrejmë zërin tonë dhe të luftojmë për bashkim,” tha ai.

Albana,një studente tjetër, thotë se të gjitha opsionet mbeten të hapura, dhe ky mendim reflekton pasigurinë që ende mbizotëron në Kosovë. “Në Kosovë gjithçka është e mundur”, tha ajo.

Krenar Gashi është redaktor i BIRN në Kosovë. Ballkan Insajt është publikim i BIRN në interent.