Ndrysho madhësinë e shkronjave

verzioni për printim

copyright

Artikujt tjerë:

NDIQ GJURMËT NËPËR LETRA

Thirrje për aplikim në trajnim në media për komunitetin RAE

Raporti i Monitorimit të Gjykatave

Buletini "Drejtesia ne Kosove" ofron informata te rendesishme per sistemin e Drejtesise ne Kosove.

BIRN mban tryeza të rrumbullakëta për problemet në sistemin gjyqësor

Instituti GAP dhe BIRN prezentojnë "Letrat e hapura për Kryetarët e Komunave të Kosovës"

Thirrje për aplikim për pjesëmarrje në rundin e parë të Programit të BIRN-it për Bashkëpunim Kulturor në Ballkan

Marrëveshja e koalicionit dëmton demokracinë në Kosovë

Kosova, parajsë e kontrabandës së armëve

Shqiptarët e Kosovës shikojnë përtej afatit të dhjetorit

Grupi i armatosur shqiptar kthehet në skenë

Kosova mes drejtësisë dhe krimit të organizuar

Rasti Kurti: kokëçarje ligjore për OKB-në

Kosova - rreth e rrotull!

Hulumtim: Masakra në fshatin Husaj ende brenë Malin e Zi

Rritja e numrit të vetëvrasjeve alarmon Kosovën

Identiteti kombëtar, sfidë e re për Kosovën

Shqiptarët e Kosovës të brengosur për veton ruse

BE-ja e përçarë shtyn debatin mbi Kosovën

Serbët e Kosovës e presin me ftohtësi krijimin e Gardës së Car Llazarit

Ambasadat e ardhshme të Kosovës do të ballafaqohen me mungesë të fondeve

Kosova vonon krijimin e qeverisë në Serbi

KOMENT: Sfidat kosovare pas 120 ditëve të para

Serbët e shqiptarët garojnë për ta bindur misionin e Këshillit të Sigurimit

Serbia po planifikon ndarjen e Kosovës

Kthimi në kampet e turpit

Fillojnë të shtënat e para në betejën diplomatike për Kosovën

Special Package: South Serbia Shqiptarët dhe serbët nuk pajtohen rreth planit për Kosovën

Special Package: South Serbia Shumë femra ballafaqohen me martesa të aranzhuara

Radikalët e Kosovës nuk gjejnë mbështetje në Maqedoni

HULUMTIM: Policët rumunë fajësohen për gjakderdhje në protestë

Koment: Regjimi i KB-së në Kosovë zbulon fytyrën e tij të vërtetë

Protesta kundër planit të OKB-së për Kosovën përfundon me dhunë

BE-ja i ofron Serbisë më shumë kohë rreth Kosovës

Intervistë me Torbjorn Sohlstrom

Kosovo Final Status Intervistë: Misioni i BE-së “do ta udhëheqë Kosovën në Evropë”

Special package: Kosovo Final Status Zbulohen pikat kryesore të planit të Ahtisarit

Special package: Kosovo Final Status Shqipëria lobon për pavarësi të Kosovës

Special package: Kosovo Final Status Maqedonia shpreson në përfundimin e dramës së Kosovës

Special package: Kosovo Final Status Pavarësia vështirëson marrëveshjen për qeveri të re

Special package: Kosovo Final Status Shqiptarët po përgatitin një aprovim të ngurrtë të planit të OKB-së

Kosova e brengosur për vendimet rreth statusit përfundimtar

Special package: Kosovo Final Status Serbët e Mitrovicës druajnë nga mundësia e shpërthimit të trazirave

Qeveria e Kosovës rrezikohet nga përçarjet në LDK

HULUMTIM: Ish-policët udhëheqin dallaveret me pasaporta

Holbruku: Bushit i ka ikur treni për Kosovë

Grupi i Kontaktit vonon planin për Kosovën

Diplomatët planifikojnë mision për pavarësi të Kosovës

KOSOVË: SHQIPTARËT BRENGOSEN RRETH STATUSIT PËRFUNDIMTAR

RAPORTI I KOSOVËS ZBULON JETEN LUKSOZE TË ZYRTARËVE

Radikalët e Kosovës nuk gjejnë mbështetje në Maqedoni

02 mars 2007   Planet e Vetëvendosjes për hapje të degëve në Maqedoni priten me skepticizëm

Nga Drita Abdiu në Tetovë dhe Tamara Causidis në Shkup

Shqiptarët e Maqedonisë i dhanë përgjigje të ftohtë lajmërimit të lëvizjes radikale të Kosovës, Vetëvendosje, se po planifikon të hapë zyre të saja në Maqedoni.

Aktivitetet e grupit nacionalist nxitën kureshtje pas raportimeve se edhe shqiptarët e Maqedonisë morën pjesë në protestat e Vetëvendosjes në Prishtinë, me 10 shkurt, të cilat përfunduan me vrasjen e dy të rinjve.

“Ne kemi zyra nëpër tërë botën e pse të mos e hapim një në Maqedoni?” tha Glauk Konjufca, aktivist i Vetëvendosjes.

“Tani për tani, në Maqedoni kemi vetëm aktivistë, të cilët i kontribuojnë qëllimit të Vetëvendosjes, që është e drejta e popullit për vetëvendosje,” shtoi ai.

Deklaratat e shumta të Konjufcës për hapjen e zyrës në qytetin shqiptar të Tetovës, qendër e Universitetit Evropian Juglindor, kanë ngritur dyshime rreth pasojave të këtij veprimi.

Lajmërimi nuk është pritur me entuziazëm nga partitë shqiptare të Maqedonisë, intelektualët apo studentët, e madje as nga kosovarët që studiojnë në Tetovë.

Politikanët vendorë thonë se Vetëvendosje nuk ka çka të kërkojë në Maqedoni sepse lëvizja nuk merret me çështje që janë relevante për Maqedoninë.

Ata druajnë se prezenca e një grupi të tillë do të ketë efekt negativ në imazhin e shqiptarëve në përgjithësi dhe se kjo mund të ngritë tensionet etnike.

Shqiptarët përbëjnë çerekun e popullatës maqedonase prej 2 milion banorësh. Ata kanë lidhje të ngushta familjare dhe kulturore me Kosovën dhe mbështesin fuqimisht fushatën e Kosovës për pavarësi.

Në fakt, partitë shqiptare dhe ato maqedone në vend, kanë shprehur mbështetjen e tyre për planin e OKB-së për status përfundimtar të Kosovës dhe shumica e shqiptarëve në Maqedoni konsideron aktivitetet e Vetëvendosjes si një pengesë për procesin e pavarësisë.

Tema e Vetëvendosjes u bë posaçërisht e rëndësishme pas zbulimit të faktit se Fazli Veliu, udhëheqës i lartë në Bashkimin Demokratik për Integrim, BDI, mori pjesë në protestën e 10 shkurtit në Prishtin,ë së bashku me shqiptarë të tjerë nga Maqedonia.

Veliu tha se ai mburret me pjesëmarrjen në protestë, duke shtuar se ai është i gatshëm të mbrojë të gjithë shqiptarët që “kërkojnë liri dhe pavarësi në Kosovë, Ballkan dhe Evropë.”

BDI-ja ka distancuar vetveten nga Veliu dhe ka mohuar akuzat se ajo ka organizuar praninë e protestuesve nga Maqedonia në protestën e Prishtinës.

Përderisa disa media vendore pohuan se qindra shqiptarë morën pjesë në protestat në Prishtinë, shumica e politikanëve pohojnë se më së shumti dhjetëra njerëz iu bashkëngjitën protestës.

Sipas Ermira Mehmetit, zëdhënëse e BDI-së, jo më shumë se 15 deri 20 njerëz morën pjesë në këtë protestë, dhe ajo i përshkroi ata si “kryesisht të rinj të cilët nuk kanë pasur idenë se çka po bëjnë atje.”

“Veliu mund të marrë pjesë [në protestën e ardhshme] por unë dyshoj se ai do të marrë të tjerët me vete,” shtoi Mehmeti.

Pohimi i Vetëvendosjes se kjo lëvizje do të fillojë aktivitete në Maqedoni nuk ka kuptim, vazhdoi ajo. “Ata po kërkojnë vetëvendosje për Kosovën, prandaj çfarë logjike mund të ketë kjo me Maqedoninë, apo a po pohojnë ata se shqiptarët këtu kanë nevojë për vetëvendosje?” pyeti ajo.

Mersal Biljali, analist politik vendor, përshkroi lajmërimin e Vetëvendosjes si “marrëzi”. “Nuk ka hapësirë për ata këtu, pasi jam i sigurt se 99,9 për qind të shqiptarëve këtu nuk i mbështesin ata,” tha ai.

Biljalli tha se lajmi për Vetëvendosjen është popullarizuar vetëm falë mediave. “Në këtë mënyrë, radikalët e paktë inkurajohen të japin deklarata edhe më ekstreme me synim që të tërheqin sa më shumë vëmendjen e mediave,” tha ai.

Sefer Tahiri, nga stacioni televiziv shqiptar Alstat M TV, u pajtua me mendimin se ky grup ka pak përkrahës në Maqedoni. “Vetëvendosja nuk ka mbështetje nga partitë politike, intelektualët, apo njerëzit e rëndomtë,” tha ai. “Ata mund të tërheqin vëmendjen e vetëm disa të rinjve të cilët nuk janë të rëndësishëm.”

Mendimet ishin të ndryshme sa i përket të intervistuarve në Universitetin e SEE-së në Tetovë, ku 600 nga 1700 studentë vijnë nga Kosova. Shumica e studentëve shqiptarë si nga Kosova ashtu edhe nga Maqedonia nuk treguan interesim të madh për Vetëvendosjen.

Korabi, student i shkencave kompjuterike nga Gjilani, tha se emër më i përshtatshëm për organizatën do të ishte Vetëfundosje.

“Ata nuk kanë koncept të qartë dhe protestat e tyre nuk kanë rezultate,” tha Korabi. Ai gjithashtu nuk mendon se hapja e zyrës në Tetovë do të nxisë shumë interesim.

Fllanza, studente nga Prizreni, më parë ka mbështetur Vetëvendosjen por është dëshpëruar kur protestat e fundit u shënuan me dhunë dhe “treguan një pamje të keqe të Kosovës.”

Dren Zotriqi, nga Prishtina, tha se protestave në Kosovë i ka kaluar koha. “Më pak e më pak njerëz janë të gatshëm të dalin në rrugë,” tha ai.

Argjend Jashari, president i organizatës studentore në Universitetin e Tetovës, tha se ai nuk mendon se Vetëvendosja mund të gjejë mbështetje tek studentët shqiptarë nga Kosova apo Maqedonia.

“Kosova ka politikanë, institucione dhe qeveri legjitime të zgjedhur,” tha ai. “Nuk mendoj se do të ishte mirë për askënd jashtë Kosovës që të ndërhyjë në procesin e statusit përfundimtar, dhe shqiptarët nga Maqedonia nuk duhet të ndërhyjnë,” vazhdoi ai .

Në universitet, shumica e profesorëve – por jo të gjithë –ndajnë këtë mendim. Profesoresha Adelina Marku mbrojti të drejtën e grupit për të hapur zyre në Maqedoni. “Ata vetëm dëshirojnë të mbajnë lidhjet me studentët [kosovarë],” tha ajo.

Por Veton Latifi, profesor i komunikimit, nuk u pajtua, duke thënë se kjo mund të jap sinjal se ekziston mundësia shpërhapjes së protestave të dhunshme të Kosovës në Maqedoni. “Kjo vetëm se do t’i përforcojë akuzat se Kosova është duke eksportuar jo-stabilitet në rajon,” tha Latifi.

Shumë shqiptarë po ashtu druajnë se agjenda gjithëshqitpare e Vetëvendosjes dhe koncesionet e ofruara serbëve në Kosovë duhet të barazohen me koncesione për shqiptarët në Serbi e Maqedoni, që mund të jetë kundër-produktive dhe t’i dëmtojnë marrëdhëniet etnike në Maqedoni.

“Nëse komunat serbe në Kosovë do të kenë të drejta ekskluzive për të bashkëpunuar me Serbinë, pse mos ta gëzojë këtë të drejtë edhe ndonjë komunë shqiptare në Maqedoni?” tha Konjufca, në bisedë me Ballkan Insajt.

Por shumë njerëz hedhin poshtë paralelet e tilla dhe insistojnë se Vetëvendosje mund të shkaktojë vetëm probleme në Maqedoni.

Mersal Biljali tha se kjo lëvizje vetëm mund të rritë mosbesimin në mes të dy komuniteteve “posaçërisht nga ana e maqedonëve pasi ata gjithmonë dyshojnë se shqiptarët nuk janë besnikë ndaj shtetit të tyre. Ky sinjal i tillë vetëm se do ta rritë frikën ndër maqedonë ndaj importimit të ideve destabiliziuese.”

“Hapja e një zyre këtu do të thotë se problemi i Kosovës po bëhet problem i Maqedonisë,” tha Ermira Mehmeti nga BDI. “Kjo është e papranueshme.”

Drita Abdiu është e trajnuar e BIRN-it nga Tetova. Tamara Causidis është redaktore e BIRN-it në Maqedoni. Ana Petruseva, drejtoreshë e BIRN-it në Maqedoni dhe Krenar Gashi, redaktor i BIRN-it në Kosovë, po ashtu kontribuan në këtë artikull.