Jetë në Kosovë diskuton për situatat emergjente
Sonte, Jeta në Kosovë, transmeton debat për situatat emergjente në vendin tonë.
Më shumë
Klikoni këtu për të shikuar edicionin e fundit të emisionit "Jeta në Kosovë"!
Më shumë
Serbët e shqiptarët garojnë për ta bindur misionin e Këshillit të Sigurimit
24 prill 2007 Prishtina e Beogradi insistojnë se vizita e KS të OKB-së në Kosovë do t’i përforcojë argumentet në favor të tyre
Nga Krenar Gashi në Prishtinë
Kosova dhe Serbia po marrin qëndrime tërësisht të kundërta ndaj misionit faktmbledhës që po dërgohet në rajon me 26 dhe 27 prill nga Këshilli i Sigurimit të OKB-së.
Derisa shqiptarët e Kosovës insistojnë se ky mision do ta mbështesë propozimin e OKB-së për pavarësi të “mbikëqyrur”, politikanët serbë pohojnë se kjo vizitë do ta stopojë procesin dhe do t’i përforcojë kërkesat e tyre për negociata të reja.
Gjatë kësaj vizite, të organizuar me kërkesë të Rusisë, e cila është aleate tradicionale e Serbisë, delegacioni i OKB-së do t’i kalojë tri ditë në Kosovë dhe Serbi duke grumbulluar informata nga terreni.
Pas kësaj do të pasojnë dy ditë të konsultimeve me përfaqësuesit e NATO-s dhe BE-së në Bruksel.
Kryeministri i Serbisë, Vojisllav Koshtunica, parashikoi me 23 prill se vizita do të nxisë “një procest të ri të zgjidhjes së statusit të provincës.”
Ai tha se kjo do të rezultojë me braktisjen e planit të dështuar të Marti Athisarit, të cilin Serbia fuqimisht e ka kundërshtuar.
Sipas Koshtunicës “iniciativa e rusëve për vlerësim gjithëpërfshirës të standardeve për Kosovën, është një bazë reale për një proces të ri të negociatave.”
Lideri serb po i referohej politikës prej tetë pikave të përpiluar nga administrata e OKB-së në Kosovë, UNMIK-u, me qëllim të vlerësimit të përparimit të Kosovës drejtë vetëqeverisjes në vend.
Pikat kryesore kanë të bëjnë me përparimin në fushat e sundimit të ligjit, zhvillimit ekonomik dhe kthimit të refugjatëve.
Derisa liderët serbë e kanë përshëndetur vizitën tri ditëshe si një hap drejtë rivlerësimit të planit të OKB-së për Kosovën, liderët vendorë hodhën poshtë mundësinë e organizimit të negociatave të reja.
“Nuk do të ketë negociata të reja për statusin e Kosovës,” deklaroi javën e kaluar, kryeministri i Kosovës, Agim Çeku.
Zëdhënësja e qeverisë së Kosovës, Ulpiana Lama, i tha Ballkan Insajtit se kjo vizitë do ta konfirmojë procesin e tanishëm dhe faktin se “status kuoja në Kosovë nuk mund të vazhdojë më.”
Refugjatët serbë të Kosovës që tani jetojnë në Serbi kanë paralajmëruar protesta të cilat do të organizohen afër pikës kufitare Jarine, që ndanë Kosovën nga Serbia dhe të cilat do të mbahen gjatë vizitës së OKB-së. Ata pohojnë se qëllimi i protestës është që vizitorëve të ju bëhet me dije se ata nuk mund të kthehen të sigurt në Kosovë.
Shumë serbë kanë ikur nga Kosova në vitin 1999 kur trupat e NATO-s i detyruan autoritetet serbe të tërhiqen.
Negociatat rreth statusit përfundimtar të Kosovës në Vjenë dështuan të arrijnë ndonjë marrëveshje dhe OKB-ja kërkoi nga Ahtisari që ta përpiloi propozimin e tij për ardhmërinë e vendit. Ahtisari ka rekomanduar “pavarësi të mbikëqyrur nga bashkësia ndërkombëtare.”
Ky propozim gëzon mbështetjen e ShBA-ve, Britanisë dhe shumicës së vendeve të BE-së, mirëpo Rusia vazhdimisht ka kundërshtuar këtë zgjidhje. Rusia mund ta ushtrojë të drejtën e vetos për ta kundërshtuar këtë plan në Këshill të Sigurimit.
Përfaqësuesit serbë kanë thënë se protestat e paralajmëruara të refugjatëve do të tregojnë se tetë “standardet” e OKB-së në Kosovë nuk janë përmbushur, posaçërisht standardi i kthimit të refugjatëve.
Por këshilltari i kryeministrit të Kosovës, Avni Arifi, i cili koordinon zbatimin e standardeve, tha se synimi kryesor i protestave është që të krijohet një propagandë dramatike lidhur me ritmin e ngadalshëm të kthimit të refugjatëve.
“E vërteta është se qeveria e Kosovës ka shpenzuar shumë përpjekje dhe të holla në procesin kthimit,” tha ai për Ballkan Insajt. “Kjo e vërtetë do t’i përcillet edhe delegacionit të OKB-së.”
Lideri më i moderuar serb në Kosovë, Oliver Ivanoviq, gjithashtu shfaqi skepticizmin lidhur me protestat.
“Neve nuk na nevojiten protestat; por na nevojiten kthime të vërteta,” tha ai. “Protestat do të tërheqin vëmendjen por kjo nuk është mënyra më e mirë për ta shpenzuar energjinë tonë. Kjo energji duhet të shpenzohet për të kthyer njerëzit në Kosovë.”
Burimet kanë pohuar se përveç Prishtinës, delegacioni i OKB-së do ta vizitojë edhe qytetin e ndarë të Mitrovicës, Novobërdën, Brestovikun dhe manastirin ortodoks serb në Deçan.
Ata do të takohen me politikanët shqiptarë dhe serbë, liderë religjioz serbë dhe përfaqësues të zyrave diplomatike në Kosovë.
Krenar Gashi është redaktor i BIRN-it në Kosovë. Ballkan Insajt është publikim i BIRN-it në internet.
PROCESI I EMËRIMIT DHE RIEMËRIMIT TË GJYKATËSVE DHE PROKURORËVE
Raporti për emërimin dhe riemërimin e gjykatësve dhe prokorurorëve analizon rrjedhën e këtij procesi duke u foksuar në anët pozitive dhe ato të errëta që kanë karakterizuar këtë proces deri në përmbyllje të tij.
RAPORTI I MONITORIMIT TE GJYKATAVE PRILL 2010 - SHKURT 2011
Raporti për monitorimin e gjykatave është nxjerrë në bazë të monitorimit të vazhdueshëm në të gjitha gjykatat komunale dhe të qarkut të Kosovës. Të gjeturat e këtij raporti bazohen në monitorimin e 2,147 seancave gjyqësore nga ana e monitoruesve të BIRN-it.
Procesi i emërimit/riemërimit të gjykatësve dhe prokurorëve
Procesi i emërimit/riemërimit të gjykatësve dhe prokurorëve
NDIQ GJURMËT NËPËR LETRA
UDHËZUES PËR GAZETARI hulumtuese të bazuar në dokumente në Kosovë-shkurt 2011
Raporti i Monitorimit të Gjykatave 2010
Një raport i detajuar analitik për punën dhe administrimin e gjykatave të Prishtinës, Pejës, Prizrenit, Gjilanit, Mitrovicës, Ferizajt, Gjakovës,Deçanit, Vushtrrisë, Podujevës, Lipjanit, Klinës dhe Istogut. Raporti përmban informata të rëndësishme të grumbulluara nga rrjeti i monitoruesve, të vendosur në komunat
kryesore të Kosovës dhe ka për synim identifikimin e problemeve dhe çështjeve kryesore me të cilat përballet
sistemi gjyqësor në Kosovë.
Raporti i monitorimit të gjykatave 2009
Monitorimi i punës dhe i administrimit të gjykatave në Prishtinë, Pejë, Mitrovicë, Gjilan, Ferizaj, Vushtrri dhe Skenderaj.
SISTEMI I ZGJEDHJES SË DREJTPËRDREJTË TË KRYETARIT NË QEVERISJEN LOKALE
Raporti Sistemi i Zgjedhjes së Drejtëpërdrejtë të Kryetarit në Qeverisjen Lokale synon të ofrojë një pasqyrë kritike për arsyeshmërinë dhe zbatueshmërinë e sistemit qeverisës komunal me Kryetarin e komunës si figurë qendrore ekzekutive, në vitin e tretë të zbatimit të tij. Shtyllat në të cilat është hulumtuar efikasiteti i këtij sistemi janë: raportet mes organeve të pushtetit lokal, llogaridhënia e ekzekutivit, respektimi i ligjit, lidhja e kryetarit me qytetarët, ofrimi i shërbimeve publike (furnizimi me ujë dhe menaxhimi i hedhurinave, investimet kapitale (në projekte shkollash e rrugësh), niveli i transparencës, konsultimet publike dhe vendimmarrja qytetare.
Gjendja dhe Problemet në Universitetin e Prishtinës
Raport analitik i hulumtimit mbi problemet dhe cilësinë e studimeve në Universitetin e Prishtinës. Po bëhen më shumë se dhjetë vite që nga përfundimi i luftës në Kosovë dhe Universiteti i Prishtinës (UP) ende vazhdon të vuajë nga një varg problemesh të ndryshme, si rezultat i të cilave kualiteti i studimeve në UP vazhdon të mbetet i pakënaqshëm. Për këtë arsye, BIRN-i ka vendosur që të bëjë një hulumtim, i cili ka një mostër përfaqësuese, gjithëpërfshirëse, dhe i cili trajton problemet praktike të studentëve. Të dhënat nga hulumtimi tregojnë se problemet më të mëdha në UP (nga këto që ka mbuluar ky hulumtim) janë mos implementimi i metodave bashkëkohore të mësimdhënies dhe të vlerësimit, mungesa e punës praktike, mungesa e literaturës adekuate të studimeve, vlerësimi jo objektiv i mësimdhënësve dhe raportet jo të mira student profesorë.
Problemet dhe të Metat e Teksteve Shkollore
Analizë e teksteve shkollore të Kosovës të ciklit të Shkollës së Mesme të Ulët (klasët VI, VII, VIII dhe IX). Roli dhe funksioni i teksteve shkollore në procesin e informimit, arsimimit dhe edukimit të nxënësve, vazhdon të jetë i pazëvendësueshëm dhe, rrjedhimisht, cilësia e teksteve shkollore ka një rëndësi të veçantë për të ardhmen dhe karrierën e nxënësve. Prandaj, duke u nisur nga kjo, BIRN-i ka vendosur që, përmes një studimi dhe analize të mirëfilltë e objektive, të nxjerrë në pah disa probleme dhe të meta të teksteve shkollore të ciklit të Shkollës së Mesme të Ulët.
Raporti i Monitorimit të Sistemit Arsimor
Report on monitoring the elementary and high schools in Prishtina: Mitrovica, Ferizaj, Peja and Gjilan
Analytical report of the situation and the problems in the University of Prishtina
Bleni DVD-të
Disa episoda të emisionit televiziv "Jeta në Kosovë" tani mund t'i keni edhe në DVD. DVD-të mund t'i bleni në librarinë "Dukagjini" që gjendet në qendër të Prishtinës.
Më shumë
Na shkruani me komentet, propozimet ose rekomandimet tuaja, në mënyrë tejet konfidenciale.
Postoni komentet tuaja
Shkruani komentet tuaja për debatet e BIRN-it. Në ueb-faqen e re, BIRN-i dëshiron që të marrë drejtpërdrejt opinionet e juaja, përmes seksionit të komenteve.
Më shumë
Balkan Investigative Reporting Network
Opinionet e shprehura në publikime janë të autorëve dhe nuk paraqesin medoemos opinionin e Rrjetit Ballkanik për Gazetari Hulumtuese, BIRN.
Komentet:
Nuk ka komente.