Jetë në Kosovë diskuton për situatat emergjente
Sonte, Jeta në Kosovë, transmeton debat për situatat emergjente në vendin tonë.
Më shumë
Klikoni këtu për të shikuar edicionin e fundit të emisionit "Jeta në Kosovë"!
Më shumë
Kosova vonon krijimin e qeverisë në Serbi
26 prill 2007 Partitë politike po ngurrojnë ta krijojnë qeverinë e re ngase askush nuk dëshiron të jetë në pushtet në kohën e pavarësisë së Kosovës
Nga Aleksandar Vasoviq në Beograd
Tre muaj pas zgjedhjeve të fundit parlamentare në Serbi, politikanët e vendit i kanë më pak se tri javë kohë për ta uar qeverinë e re. Në të kundërtën ata do të përballen me zgjedhje të reja.
Vonesa nuk është tërësisht rezultat i interesave për ndarjen e posteve në qeverinë e re. Liderët politikë kanë vonuar arritjen e marrëveshjes pasi asnjë parti nuk dëshiron të jetë në pushtet nëse Serbia e “humbë” Kosovën pas vendimit të Kombeve të Bashkuara që pritet të arrihet në muajt e ardhshëm.
Të martën Partia Radikale Serbe i urdhëroi të gjitha degët e saja në tërë vendin që të përgatiten për edhe një raund të ri të zgjedhjeve.
“Koalicioni i Partisë Demokratike të Serbisë [të kryeministrit të tanishëm Vojisllav Koshtunica] me Partinë Demokratike të Presidentit Boris Tadiq do ta çoje Serbinë drejtë e në prehër të palëve përgjegjëse për shkëputjen e Kosovës, Bashkimit Evropian dhe Shteteve të Bashkuara,” thuhet në deklaratën e radikalëve.
“Mënyra më e mirë për ta udhëhequr Serbinë jashtë kësaj krize është organizimi i zgjedhjeve në çdo nivel,” thuhet në këtë deklaratë.
Partia Radikale, e udhëhequr nga i dyshuari për krime lufte, Vojisllav Sheshel, fitoi më së shumti vota në zgjedhjet parlamentare të 21 janarit. Megjithatë, jo mjaft vota për të qeverisur vetë, kurse asnjë parti tjetër nuk i është ofruar për të ndërtuar koalicion.
Serbia fuqimisht po e refuzon planin e të dërguarit të posaçëm të OKB-së, Marti Ahtisarit, i cili parasheh një formë të pavarësisë së Kosovës të mbikëqyrur nga bashkësia ndërkombëtare.
Koshtunica dhe aleatët e tij tani po mbështetën në të drejtën e vetos që e ka Rusia dhe gjasën për ta përdorur atë në kundërshtim të planit në Këshill të Sigurimit të OKB-së. Por, nëse Rusia dështon ta rrëzojë planin, një qeveri e ardhshme serbe do të obligohet t’i zbatojë kushtet e propozimit, dhe kjo do t’i zemërojë serbët të cilët e konsiderojnë Kosovën si djep historik të vendit të tyre.
“Kosova po shkakton shumë zhurmë dhe askush nuk dëshiron të krijojë një qeveri që do të duhet ta marrë përgjegjësinë për humbje të saj,” tha James Lyon, analist i Grupit Ndërkombëtar të Krizave në Beograd.
Shumica e shteteve të perëndimit, përfshirë edhe anëtarët e Bashkimit Evropian dhe NATO-së, kanë mbështetur planin e Ahtisarit dhe kanë konkluduar se vazhdimi i bisedimeve është i kotë, ani pse Serbia dhe Rusia insistojnë në këtë opsion.
Por ata janë të brengosur se nëse Tadiqi dhe Koshtunica nuk e krijojnë një koalicion pro perëndimor dhe Kosova në ndërkohë e fiton pavarësinë, atëherë zgjedhjet e reja parlamentare mund të përfundojnë me ardhjen e radikalëve në pushtet.
“Partitë nga i ashtuquajturi bllok demokratik duhet të kuptojnë se ato kanë një obligim për ta mbajtur Serbinë në rrugë drejtë Evropës,” tha një diplomat përendimor që shërben në Beograd.
“Kosova është një tregim të cilit po i vjen fundi dhe politikanët serbë duhet që të fillojnë të mendojnë për mirëqenien e popullit të tyre e jo për luftë për pushtet,” shtoi i njëjti diplomat.
Nëse deri me 14 maj asnjë koalicion nuk fiton mbështetjen e të paktën 126 deputetëve në parlamentin prej 250 ulëseve, Presidenti Tadiq do të obligohet që të kërkojë zgjedhje të reja, tha Sllobodan Vuqetiq, ish kryegjykatës në Gjykatën Kushtetuese.
Serbia gjithashtu nuk ka një parlament funksional pasi partitë nuk kanë arritur një marrëveshje rreth zgjedhjes së kryeparlamentarit apo kryesuesve të komisioneve.
Megjithatë, sipas afateve të caktuara nga ligji zgjedhor, nëse me 14 maj paralajmërohen zgjedhjet e reja, qeveria e Koshtunicës mund të mbetët në pushtet deri në mes të nëntorit.
“Koshtunica nuk po nxiton. Pse ta lëshojë pushtetin kur ai mund të qeverisë vetëm dhe pa i dhënë askujt përgjegjësi,” tha Lyon.
Në ndërkohë, mediat kanë raportuar se politikanët pro-demokratikë janë në fakt në prag të krijimit të një koalicionit pas një takimi sekret të mbajtur në mes të Koshtunicës, Tadiqit dhe ish ministrit të financave, Mllagjan Dinkiq.
“Unë besoj se ata do ta krijojnë një qeveri pasi kjo është në interesin e tyre politik; kjo është vetëm një luftë për ndarje të pushtetit,” tha Nebojsha Spaiq, nga organizata beogradase “Spaiq & Farmer”.
Por Spaiq tha se kjo vonesë mund të jetë edhe rezultat i mosgatishmërisë së politikanëve për ta marrë barrën e zbatimit të rezolutës së OKB-së për pavarësi të Kosovës. “Kosova është faktor [i rëndësishëm],” tha ai.
Të dielën e kaluar, e përditshmshja proqeveritare “Politika”, ka botuar një kolumne nga Boshko Jakshiq, i cili parashikoi se ngurrimi për të krijuar qeverinë dhe për të marrë përgjegjësinë për çështjen e Kosovës, mund të rezultojë në një numër më të madh të votave për agjendën nacionaliste të radikalëve.
“Unë dyshoj shumë në ndjenjën e përgjegjësisë së politikanëve tanë dhe pyes vetveten pse nuk kemi qeveri tani kur jemi në prag të zgjedhjes së statusit të Kosovës,” shkroi Jakshiq.
Aleksandar Vasoviq është redaktor i BIRN-it në Serbi. Ballkan Insajt është publikim i BIRN-it në internet.
PROCESI I EMËRIMIT DHE RIEMËRIMIT TË GJYKATËSVE DHE PROKURORËVE
Raporti për emërimin dhe riemërimin e gjykatësve dhe prokorurorëve analizon rrjedhën e këtij procesi duke u foksuar në anët pozitive dhe ato të errëta që kanë karakterizuar këtë proces deri në përmbyllje të tij.
RAPORTI I MONITORIMIT TE GJYKATAVE PRILL 2010 - SHKURT 2011
Raporti për monitorimin e gjykatave është nxjerrë në bazë të monitorimit të vazhdueshëm në të gjitha gjykatat komunale dhe të qarkut të Kosovës. Të gjeturat e këtij raporti bazohen në monitorimin e 2,147 seancave gjyqësore nga ana e monitoruesve të BIRN-it.
Procesi i emërimit/riemërimit të gjykatësve dhe prokurorëve
Procesi i emërimit/riemërimit të gjykatësve dhe prokurorëve
NDIQ GJURMËT NËPËR LETRA
UDHËZUES PËR GAZETARI hulumtuese të bazuar në dokumente në Kosovë-shkurt 2011
Raporti i Monitorimit të Gjykatave 2010
Një raport i detajuar analitik për punën dhe administrimin e gjykatave të Prishtinës, Pejës, Prizrenit, Gjilanit, Mitrovicës, Ferizajt, Gjakovës,Deçanit, Vushtrrisë, Podujevës, Lipjanit, Klinës dhe Istogut. Raporti përmban informata të rëndësishme të grumbulluara nga rrjeti i monitoruesve, të vendosur në komunat
kryesore të Kosovës dhe ka për synim identifikimin e problemeve dhe çështjeve kryesore me të cilat përballet
sistemi gjyqësor në Kosovë.
Raporti i monitorimit të gjykatave 2009
Monitorimi i punës dhe i administrimit të gjykatave në Prishtinë, Pejë, Mitrovicë, Gjilan, Ferizaj, Vushtrri dhe Skenderaj.
SISTEMI I ZGJEDHJES SË DREJTPËRDREJTË TË KRYETARIT NË QEVERISJEN LOKALE
Raporti Sistemi i Zgjedhjes së Drejtëpërdrejtë të Kryetarit në Qeverisjen Lokale synon të ofrojë një pasqyrë kritike për arsyeshmërinë dhe zbatueshmërinë e sistemit qeverisës komunal me Kryetarin e komunës si figurë qendrore ekzekutive, në vitin e tretë të zbatimit të tij. Shtyllat në të cilat është hulumtuar efikasiteti i këtij sistemi janë: raportet mes organeve të pushtetit lokal, llogaridhënia e ekzekutivit, respektimi i ligjit, lidhja e kryetarit me qytetarët, ofrimi i shërbimeve publike (furnizimi me ujë dhe menaxhimi i hedhurinave, investimet kapitale (në projekte shkollash e rrugësh), niveli i transparencës, konsultimet publike dhe vendimmarrja qytetare.
Gjendja dhe Problemet në Universitetin e Prishtinës
Raport analitik i hulumtimit mbi problemet dhe cilësinë e studimeve në Universitetin e Prishtinës. Po bëhen më shumë se dhjetë vite që nga përfundimi i luftës në Kosovë dhe Universiteti i Prishtinës (UP) ende vazhdon të vuajë nga një varg problemesh të ndryshme, si rezultat i të cilave kualiteti i studimeve në UP vazhdon të mbetet i pakënaqshëm. Për këtë arsye, BIRN-i ka vendosur që të bëjë një hulumtim, i cili ka një mostër përfaqësuese, gjithëpërfshirëse, dhe i cili trajton problemet praktike të studentëve. Të dhënat nga hulumtimi tregojnë se problemet më të mëdha në UP (nga këto që ka mbuluar ky hulumtim) janë mos implementimi i metodave bashkëkohore të mësimdhënies dhe të vlerësimit, mungesa e punës praktike, mungesa e literaturës adekuate të studimeve, vlerësimi jo objektiv i mësimdhënësve dhe raportet jo të mira student profesorë.
Problemet dhe të Metat e Teksteve Shkollore
Analizë e teksteve shkollore të Kosovës të ciklit të Shkollës së Mesme të Ulët (klasët VI, VII, VIII dhe IX). Roli dhe funksioni i teksteve shkollore në procesin e informimit, arsimimit dhe edukimit të nxënësve, vazhdon të jetë i pazëvendësueshëm dhe, rrjedhimisht, cilësia e teksteve shkollore ka një rëndësi të veçantë për të ardhmen dhe karrierën e nxënësve. Prandaj, duke u nisur nga kjo, BIRN-i ka vendosur që, përmes një studimi dhe analize të mirëfilltë e objektive, të nxjerrë në pah disa probleme dhe të meta të teksteve shkollore të ciklit të Shkollës së Mesme të Ulët.
Raporti i Monitorimit të Sistemit Arsimor
Report on monitoring the elementary and high schools in Prishtina: Mitrovica, Ferizaj, Peja and Gjilan
Analytical report of the situation and the problems in the University of Prishtina
Bleni DVD-të
Disa episoda të emisionit televiziv "Jeta në Kosovë" tani mund t'i keni edhe në DVD. DVD-të mund t'i bleni në librarinë "Dukagjini" që gjendet në qendër të Prishtinës.
Më shumë
Na shkruani me komentet, propozimet ose rekomandimet tuaja, në mënyrë tejet konfidenciale.
Postoni komentet tuaja
Shkruani komentet tuaja për debatet e BIRN-it. Në ueb-faqen e re, BIRN-i dëshiron që të marrë drejtpërdrejt opinionet e juaja, përmes seksionit të komenteve.
Më shumë
Balkan Investigative Reporting Network
Opinionet e shprehura në publikime janë të autorëve dhe nuk paraqesin medoemos opinionin e Rrjetit Ballkanik për Gazetari Hulumtuese, BIRN.
Komentet:
Nuk ka komente.