Jetë në Kosovë diskuton për situatat emergjente
Sonte, Jeta në Kosovë, transmeton debat për situatat emergjente në vendin tonë.
Më shumë
Klikoni këtu për të shikuar edicionin e fundit të emisionit "Jeta në Kosovë"!
Më shumë
BIRN mban tryeza të rrumbullakëta për problemet në sistemin gjyqësor
20 maj 2010 Të martën, më 18 maj, BIRN-i organizoi dy tryeza të rumbullakëta ku personalitete të rëndësishme nga fusha e drejtësisë si dhe zyrtarë nga gjykatat komunale dhe të qarkut, u mblodhën për t’i diskutuar mangësitë dhe problemet e kësaj fushe.
Diskutimi u përqendrua kryesisht në problemet me të cilat ballafaqohet sistemi gjyqësor në Kosovë, si dhe të gjetura tjera të identifikuara nga monitorimi sistematik i BIRN-it në 18 gjykata komunale dhe të qarkut në 14 komuna të Kosovës.
Tryezat e rumbullakta u moderuan nga drejtoresha ekzekutive e BIRN-it në Kosovë, Jeta Xharra.
Në tryezën e parë morën pjesë:
Xhemil Elshani, nga gjykata komunale në Prizren;
Besa Krajka, nga gjykata komunale në Prizren;
Rafet Haxhaj, nga gjykata komunale në Klinë;
Nebih Reqica, nga gjykata komunale në Lipjan;
Rifat Abdullahu-nga gjykata komunale në Ferizaj;
Salih Mekaj, nga gjykata e qarkut në Pejë;
Xhelal Radoniqi, nga gjykata komunale në Pejë;
Elmaze Syka, nga gjykata e qarkut në Pejë;
Afërdita Mulhaxha, nga gjykata komunale në Pejë;
Hidajete Veseli, nga gjykata komunale në Pejë
Ndërsa në tryezën e dytë morën pjesë:
Haki Demolli, ministër i drejtësisë;
Fejzullah Hasani-kryetar i gjykatës supreme;
Encer Peci-kryesues i Këshillit Gjyqësor të Kosovës, KGJK;
Sami Kurteshi, Avokati i Popullit;
Enver Nimoni avokat nga Peja;
Aishe Berisha, nga Këshilli Gjyqësor i Kosovës, KGJK;
Vahid Limani, nga Këshilli Gjyqësor i Kosovës, KGJK;
Ismet Kabashi, kryeprokuri i shtetit;
Bahri Hyseni, kryetar i Komisionit për Legjislacion dhe Gjyqësi në Kuvendin e Kosovës;
Valdete Daka, nga gjykata supreme;
Gresa Sefaj, nga Komisioni Evropian.
Në këto tryeza, krahas prezencës së problemeve të identifikuara në raportin e monitorimit të vitit të kaluar (qershor 2009), monitoruesit e BIRN-it nxorën në pah edhe probleme tjera që u evidentuan gjatë monitorimit të vazhdueshëm njëvjeçar.
Ndër këto probleme u diskutuan moslajmërimi i gjykimeve në tabelën e shpalljeve, vonesa e fillimit të gjykimeve, caktimi i pakoordinuar i seancave gjyqësore mes gjykatësve e prokurorëve, fillimi i seancave pa përbërjen e plotë të trupit gjykues, mosefikasiteti i policisë për urdhëresat, mospërdorimi i pajisjeve elektronike nëpër gjykata, përdorimi i telefonave celular gjatë mbajtjes së gjykimeve, mbajtja e gjykimeve në zyra të gjykatësve, etj.
Të gjithë të pranishmit në tryezë u pajtuan se gjendja në gjyqësorin e Kosovës është alarmante dhe se në tërësi raporti i monitorimit të BIRN-it për vitin 2009-2010 është pasqyrim i gjendjes reale.
Duke komentuar për numrin e vogël të prokurorëve, kryeprokurori i shtetit Ismet Kabashi tha që me këtë numër të vogël të prokurorëve nuk mund të pritet përfaqësim i denjë, ndërsa situata do të ndryshonte për të mirë vetëm nëse urgjentisht rritet numri i tyre.
Duke iu referuar të metave të sistemit që u identifikuan gjatë monitorimit njëvjeçar të monitoruesve të BIRN-it, kryeprokurori Kabashi premtoi se përveç rritjes së numrit të prokurorëve do të mundohet edhe për menaxhim më të mirë të sistemit në tërësi.
Gresa Sefaj nga Komisioni Evropian tha që një ndër investimet më të mëdha në sektorin e gjyqësisë është instalimi i projektit të Sistemit Informativ për Menaxhimin e Lëndëve, SIML, sistem ky që është identifikuar si jofunksional në raportin e monitorimit të vitit 2008.
Mirëpo, pjesëmarrësit pohuan se sistemi nuk funksionin në tërësi në asnjë gjykatë.
Ndërsa i ballafaquar me probleme reale nga tereni, ministri i drejtësisë, Haki Demolli tha se ka pak ditë që ka filluar më këtë detyrë, mirëpo shtoi se është i përkushtuar të punojë për një reformë gjyqësore.
Tryeza u përmbyll me pajtimin e të gjithë pjesëmarrësve se krahas arsyetimeve për kushtet e vështira të punës apo rrogave të ulëta të gjykatësve dhe administratës në gjyqësi, me përkushtim pak më të madh dhe respektim më të lartë të detyrave të tyre të punës, disa probleme dhe parregullsi elementare do të mund të rregulloheshin, duke ngritë kështu efikasitetin e gjyqësorit kosovar pa shtim të buxhetit.
PROCESI I EMËRIMIT DHE RIEMËRIMIT TË GJYKATËSVE DHE PROKURORËVE
Raporti për emërimin dhe riemërimin e gjykatësve dhe prokorurorëve analizon rrjedhën e këtij procesi duke u foksuar në anët pozitive dhe ato të errëta që kanë karakterizuar këtë proces deri në përmbyllje të tij.
RAPORTI I MONITORIMIT TE GJYKATAVE PRILL 2010 - SHKURT 2011
Raporti për monitorimin e gjykatave është nxjerrë në bazë të monitorimit të vazhdueshëm në të gjitha gjykatat komunale dhe të qarkut të Kosovës. Të gjeturat e këtij raporti bazohen në monitorimin e 2,147 seancave gjyqësore nga ana e monitoruesve të BIRN-it.
Procesi i emërimit/riemërimit të gjykatësve dhe prokurorëve
Procesi i emërimit/riemërimit të gjykatësve dhe prokurorëve
NDIQ GJURMËT NËPËR LETRA
UDHËZUES PËR GAZETARI hulumtuese të bazuar në dokumente në Kosovë-shkurt 2011
Raporti i Monitorimit të Gjykatave 2010
Një raport i detajuar analitik për punën dhe administrimin e gjykatave të Prishtinës, Pejës, Prizrenit, Gjilanit, Mitrovicës, Ferizajt, Gjakovës,Deçanit, Vushtrrisë, Podujevës, Lipjanit, Klinës dhe Istogut. Raporti përmban informata të rëndësishme të grumbulluara nga rrjeti i monitoruesve, të vendosur në komunat
kryesore të Kosovës dhe ka për synim identifikimin e problemeve dhe çështjeve kryesore me të cilat përballet
sistemi gjyqësor në Kosovë.
Raporti i monitorimit të gjykatave 2009
Monitorimi i punës dhe i administrimit të gjykatave në Prishtinë, Pejë, Mitrovicë, Gjilan, Ferizaj, Vushtrri dhe Skenderaj.
SISTEMI I ZGJEDHJES SË DREJTPËRDREJTË TË KRYETARIT NË QEVERISJEN LOKALE
Raporti Sistemi i Zgjedhjes së Drejtëpërdrejtë të Kryetarit në Qeverisjen Lokale synon të ofrojë një pasqyrë kritike për arsyeshmërinë dhe zbatueshmërinë e sistemit qeverisës komunal me Kryetarin e komunës si figurë qendrore ekzekutive, në vitin e tretë të zbatimit të tij. Shtyllat në të cilat është hulumtuar efikasiteti i këtij sistemi janë: raportet mes organeve të pushtetit lokal, llogaridhënia e ekzekutivit, respektimi i ligjit, lidhja e kryetarit me qytetarët, ofrimi i shërbimeve publike (furnizimi me ujë dhe menaxhimi i hedhurinave, investimet kapitale (në projekte shkollash e rrugësh), niveli i transparencës, konsultimet publike dhe vendimmarrja qytetare.
Gjendja dhe Problemet në Universitetin e Prishtinës
Raport analitik i hulumtimit mbi problemet dhe cilësinë e studimeve në Universitetin e Prishtinës. Po bëhen më shumë se dhjetë vite që nga përfundimi i luftës në Kosovë dhe Universiteti i Prishtinës (UP) ende vazhdon të vuajë nga një varg problemesh të ndryshme, si rezultat i të cilave kualiteti i studimeve në UP vazhdon të mbetet i pakënaqshëm. Për këtë arsye, BIRN-i ka vendosur që të bëjë një hulumtim, i cili ka një mostër përfaqësuese, gjithëpërfshirëse, dhe i cili trajton problemet praktike të studentëve. Të dhënat nga hulumtimi tregojnë se problemet më të mëdha në UP (nga këto që ka mbuluar ky hulumtim) janë mos implementimi i metodave bashkëkohore të mësimdhënies dhe të vlerësimit, mungesa e punës praktike, mungesa e literaturës adekuate të studimeve, vlerësimi jo objektiv i mësimdhënësve dhe raportet jo të mira student profesorë.
Problemet dhe të Metat e Teksteve Shkollore
Analizë e teksteve shkollore të Kosovës të ciklit të Shkollës së Mesme të Ulët (klasët VI, VII, VIII dhe IX). Roli dhe funksioni i teksteve shkollore në procesin e informimit, arsimimit dhe edukimit të nxënësve, vazhdon të jetë i pazëvendësueshëm dhe, rrjedhimisht, cilësia e teksteve shkollore ka një rëndësi të veçantë për të ardhmen dhe karrierën e nxënësve. Prandaj, duke u nisur nga kjo, BIRN-i ka vendosur që, përmes një studimi dhe analize të mirëfilltë e objektive, të nxjerrë në pah disa probleme dhe të meta të teksteve shkollore të ciklit të Shkollës së Mesme të Ulët.
Raporti i Monitorimit të Sistemit Arsimor
Report on monitoring the elementary and high schools in Prishtina: Mitrovica, Ferizaj, Peja and Gjilan
Analytical report of the situation and the problems in the University of Prishtina
Bleni DVD-të
Disa episoda të emisionit televiziv "Jeta në Kosovë" tani mund t'i keni edhe në DVD. DVD-të mund t'i bleni në librarinë "Dukagjini" që gjendet në qendër të Prishtinës.
Më shumë
Na shkruani me komentet, propozimet ose rekomandimet tuaja, në mënyrë tejet konfidenciale.
Postoni komentet tuaja
Shkruani komentet tuaja për debatet e BIRN-it. Në ueb-faqen e re, BIRN-i dëshiron që të marrë drejtpërdrejt opinionet e juaja, përmes seksionit të komenteve.
Më shumë
Balkan Investigative Reporting Network
Opinionet e shprehura në publikime janë të autorëve dhe nuk paraqesin medoemos opinionin e Rrjetit Ballkanik për Gazetari Hulumtuese, BIRN.
Komentet:
Nuk ka komente.